41e edizion dal premi leterari in lenghe furlane
La Citât di Codroip, in colaborazion cu la Agjenzie Regjonâl pe Lenghe Furlane (ARLeF), la Societât Filologjiche Furlane, l’Istitût Ladin Furlan Pre Checo Placerean, l’Ente Friuli nel Mondo e il Palazzo Arti Fumetto Friuli (PAFF), e bandìs il concors par assegnâ il Premi Leterari in lenghe furlane “San Simon”.
Te 41 edizion, il premi – dedicât ae memorie dal Inz. Agnul M. Pittana – al sarà assegnât par un romanç e par une conte cu la tecniche dal fumut.
Sezion ROMANÇ
Lis oparis, anonimis e ineditis, a àn di jessi scritis doprant no mancul di 150.000 caratars e inte grafie uficiâl de lenghe furlane.
Al autôr vincidôr i larà un premi di 1.500 euros.
Sezion CONTE CUN TECNICHE DAL FUMUT
Lis oparis a àn di vê un minim di cuatri taulis cuntune numerazion progressive. Lis misuris dal lavôr in origjinâl a àn di jessi compatibilis cul formât di cm 20×28. Il test dal fumut al varà di jessi inedit e scrit inte grafie uficiâl de lenghe furlane. Lis oparis a podaran jessi in blanc e neri o a colôrs e fatis cun cualsisei tecniche che si puedi riprodusi su cjarte.
Al autôr vincidôr i larà un premi di 1.000,00 euros.
Dutis lis oparis a varan di rivâ dentri des 12.00 di martars ai 30 di Jugn dal 2020 li dal Ufici Protocol dal Comun di Codroip.
La Aministrazion Comunâl, daûr de propueste de Jurie, e podarà decidi di publicâ lis oparis premiadis che a vignaran presentadis miercus ai 28 di Otubar dal 2020, inte suaze dal event di premiazion.
Discjame ca sot il bant complet.
Consulte i materiâi
| Ogjet | Cjale |
| Premi San Simon - Bant di concors 2020 |
|
