fbpx

Daûr dal Regolament (UE) 2016/679 (di chi indenant definît “GDPR” o “Regolament”), si descrivin lis modalitâts di tratament dai dâts personâi dai utents che a consultin il sît web http://www.arlef.it 

Dopo vê consultât il sît citât parsore, a puedin jessi tratâts dâts in merit aes personis fisichis identificadis o identificabilis.

TITULÂR DAL TRATAMENT

Il Titulâr dal tratament dai dâts personâi al è la ARLeF – Agjenzie Regjonâl pe Lenghe Furlane (plui indenant definide ancje “ARLEF” o “Agjenzie”), cun sede in vie della Prefettura n. 13, Udin (UD).

Pal esercizi dai dirits ricognossûts dal REGOLAMENT (UE) 2016/679 (plui indenant “GDPR” o “Regolament”) o par domandâ cualsisei sclariment sul tratament dai dâts personâi, al è pussibil contatâ il Titulâr a chescj recapits: telefon 0432 555812, email arlef@regione.fvg.it 

Il Titulâr al à nomenât un Responsabil de Protezion dai Dâts, che al rispuint a cheste direzion: dpo.arlef@regione.fvg.it

INFORMAZIONS SU LIS TIPOLOGJIIS Dl DÂTS TRATÂTS

Dâts di navigazion

I sistemis informatics e lis proceduris software che a permetin il funzionament dal sît a acuisissin, tal lôr esercizi normâl, cualchi dât personâl che la lôr trasmission e je implicite cul ûs dai protocoi di comunicazion di internet.

In cheste categorie di dâts a son includudis lis direzions IP o i nons di domini dai computers e dai terminâi doprâts dai utents, lis direzions in notazion URI/URL (Uniform Resource Identifier/Locator) des risorsis domandadis, l’orari de domande, la metodologjie doprade tal inviâ la domande al server, la dimension dal file otignût in rispueste, il codiç numeric che al indiche il stât de rispueste dade dal server (a bon, erôr, e v.i.) e altris parametris leâts al sisteme operatîf e al ambient informatic dal utent.

Finalitâts e fonde juridiche dal tratament (Art. 13, paragraf 1, letare c)

Chescj dâts a vegnin doprâts par controlâ il funzionament coret dal sît e par rigjavâ informazions statistichis (pagjinis plui visitadis, numar di visitadôrs par fasse orarie o zornalîrs, areis gjeografichis di divignince, e v.i.). I dâts a podaressin ancje jessi doprâts pal aciertament di responsabilitât in câs di reâts informatics ipotetics ai dams dal sît (interès legjitims dal Titulâr).
Periodi di conservazion dai dâts (Art. 13, paragraf 2, letare a) Fûr che tal câs di necessitâts di indagjin tal câs di ilecit, i dâts par solit no restin conservâts par plui di siet dîs.
Conferiment (Art. 13, paragraf 2, letare f) I dâts no son conferîts dal interessât ma acuisîts in maniere automatiche dai sistemis tecnologjics dal sît.

Cookies e altris sistemis di segnadure

Il sît al dopre cookies tecnics, che par lôr nol è domandât nissun consens di bande dal Interessât.

Si doprin ancje Cookie Analytics di tierçs, assimilâts ai cookies tecnics stant che si adotin struments idonis a ridusi il lôr podê identificatîf (par esempli par mieç dal mascarament di porzions significativis de direzion IP) e, intal contrat tra il gjestôr dal sît e la tierce part, al è specificât di pueste l’impegn di cheste ultime a doprâju in maniere esclusive pe furnidure dal servizi, a conservâju in maniere separade e a no “inricjîju” o “incrosâju” cun altris informazions che a àn a disposizion. 

In particolâr, il sît si zove dal servizi di Google Analytics, che al dopre cookies par permeti analisis statistichis in forme agregade in merit al ûs dal sît web visitât.

Par consultâ i “tiermins di servizi di Google Analytics” che a citin ancje la informative su la privacy de societât Google inc., Titulâr autonome dal tratament dai dâts sul servizi Google Analytics, si rimande a cheste pagjine: https://developers.google.com/analytics/devguides/collection/analyticsjs/cookie-usage

Tal câs che si vueli impedî l’ûs dai propris dâts di bande di Google Analytics, al è pussibil instalâ un component zontât dal browser che si pues discjamâ di cheste pagjine: http://tools.google.com/dlpage/gaoptout?hl=it 

Par vê plui informazions su cemût eseguî cheste operazion si pues fâ riferiment aes istruzions dal propri browser. L’Interessât al pues otignî istruzions specifichis midiant dai leams chi sot.

Par vê informazions sui cookies archiviâts sul propri terminâl e par disativânt un o plui, si consee di visitâ la pagjine:

http://www.youronlinechoices.com/it/le-tue-scelte

Al è pussibil cancelâ in ogni moment cookies che a vedin di jessi za stâts archiviâts sul disc dûr. 

CATEGORIIS DI DESTINATARIS DAI DÂTS PERSONÂI

A podaran acedi ai dâts personâi dome personis autorizadis al tratament e sogjets che, tratant dâts par cont dal Titulâr, a sedin stâts nomenâts tant che Responsabii (par esempli: furnidôrs di servizis informatics, telematics e tecnologjics). Chescj sogjets a son tignûts al segret e ae riservatece ancje su la fonde dal regolament interni di pueste. 

I dâts tratâts pai fins za specificâts no saran comunicâts a Tierçs se no par rispuindi a oblics di leç, par rispietâ ordins che a vegnin di autoritâts publichis o par esercitâ un dirit in sede judiziarie o in ogni altre sede.

I dâts personâi no puedin jessi cedûts o difondûts.

Par plui informazions, si pues contatâ il Titulâr ai recapits specificâts parsore.

TRASFERIMENT DAI DÂTS PERSONÂI IN ALTRIS PAÎS

I dâts tratâts pes finalitâts ripuartadis parsore no saran – par regule – trasferîts fûr dal Spazi Economic European. Tal câs che al vedi di coventâ (ancje par vie dai struments informatics che a son doprâts), il Titulâr al garantìs che il trasferiment al vignarà fat tal rispiet des cundizions specificadis tal Cjapitul V dal GDPR, e in particolâr:

– Articul 45, Trasferiment par cuistions leadis a une decision su la justece;

– Articul 46, Trasferiment subiet a garanziis justis;

– Articul 47, Normis vincolantis di imprese.

Intal câs che no puedin cjatâ aplicazion chestis normis, il trasferiment al vignarà fat intal rispiet di ce che al è previodût dal articul 49.

DIRITS DAL INTERESSÂT

L’Interessât al à dirit di domandâ:

  • l’acès ai dâts personâi e aes informazions (art. 15 dal GDPR);
  • la lôr retifiche o cancelazion (articui 16 e 17 dal GDPR);
  • la limitazion dal tratament dai dâts personâi (art. 18 dal GDPR).

Cun di plui, l’Interessât al podarà:

  • oponisi al tratament dai dâts personâi aes cundizions e tai limits specificâts tal art. 21 dal GDPR;
  • esercitâ il dirit ae puartabilitât dai dâts (art. 20 dal GDPR).

Par chel che al tocje lis operazions di tratament che a àn tant che fonde il consens (daûr dal articul 6, paragraf 1, letare a), e dal articul 9, paragraf 2, letare a) dal GDPR), l’Interessât al à dirit di revocâ il so consens in cualsisei moment (cence rindi ilegjitim il tratament leât al consens dât prime de revoche).

Infin, tal câs che l’Interessât al calcoli che il tratament dai siei dâts personâi al violi il GDPR, al à dirit di proponi un reclam a une autoritât di control (Garant pe protezion dai dâts personâi o altre autoritât competente) daûr dal articul 77 e seguitîfs dal GDPR.


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304