fbpx

Lenghe e culture

Plurilinguisim e Minorancis in Europe


A son uns 50 milions di personis, sù par jù il 14% de popolazion europeane, a doprâ une lenghe divierse di chê de maiorance de popolazion statâl. Un dât che al segne propit cemût che la diversitât linguistiche e socioculturâl e rapresenti pal nestri continent une ricjece di no pierdi e un dai pilastris de costruzion democratiche de Europe.

Il panorame european des lenghis e culturis minoritariis, però, nol è omogjeni a nivel normatîf. Di fat, a son minorancis linguistichis che a àn otignût nivei alts di tutele (sedi in gracie di decisions politichis che di pressions popolârs fuartis) e che a son jentradis za intune fase di inmodernament e di disvilup che ur permet di fâ front aes sfidis de societât contemporanie. A son invezit minorancis linguistichis che ancjemò a vuê no cjatin un ricognossiment uficiâl e a patissin une fuarte pression di bande des lenghis dominantis.

Logo de Zornade Europeane des Lenghis


Ancje la Italie e je un paîs siôr di minorancis linguistichis.
L’articul 6 de Costituzion taliane al dîs che “la Republiche e tutele cun normis specifichis lis minorancis linguistichis” e al è juste cu la aprovazion de leç 482/99 che chest principi costituzionâl al à tacât a sei metût in vore ad in plen.

Lis lenghis minoritariis ricognossudis in Italie a son: albanês, catalan, cravuat, francês, francoprovençâl, furlan, grecanic, ladin, ocitan, sart, sloven, todesc.

Consulte i materiâi

Ogjet Cjale
Video infografiche "Lis lenghis minoritariis in Europe, Italie, Friûl"

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304