Plan Gjenerâl di Politiche Linguistiche 2026-2030

Il Plan Gjenerâl di Politiche Linguistiche 2026-2030 al è l’imprest che la Regjon Autonome Friûl-Vignesie Julie – daûr dal articul 25 de L.R. 29/2007 – e dopre par fissâ lis strategjiis pal disvilup de lenghe furlane, in particolâr in cont dal corpus, de aministrazion publiche, de scuele, des tecnologjiis e de inovazion digjitâl, dai mieçs di comunicazion e de promozion sociâl.

Il PGjPL 2026-2030 al rapresente un cambiament significatîf te metodologjie doprade a pet des programazions dai agns precedents. Di fat, si passe di un model centralizât, là che la Regjon e decideve dutis lis azions di meti in vore, a un model policentric e partecipatîf, là che ognidun dai atôrs publics regjonâi clamâts a atuâ il Plan al devente protagonist atîf. Graciis a cheste strategjie inovative e flessibile, il PGjPL 2026-2030, dopo vê fissâts obietîfs strategjics clârs e condividûts, al valorize lis diversitâts e al met adun une politiche linguistiche plui dongje des dibisugnis reâls de comunitât.

---

La propueste dal Plan Gjenerâl di Politiche Linguistiche e je stade dade dongje di un Grup di vore coordenât di William Cisilino (ARLeF), cu la consulence sientifiche di Michele Gazzola (Ulster University), e la partecipazion di Federico Ambrosino (Sportel regjonâl pe lenghe furlane), Lorenzo Armellini (ARLeF), Veronica De Giorgio (Sportel regjonâl pe lenghe furlane), Federica Del Pino (ARLeF), Vanessa Indri (ARLeF), Sara Menazzi (ARLeF), Linda Picco (ARLeF), Paolo Spizzo (ARLeF), Elena Zanussi (ARLeF).

Iter di aprovazion:

• Propueste fate buine dal Comitât tecnic sientific de ARLeF inte sentade dai 16 di Dicembar dal 2025;
• Propueste fate buine cu la deliberazion dal Consei di Aministrazion de ARLeF n. 32 dai 23 di Dicembar dal 2025;
• Fat bon, in vie preliminâr, cu la deliberazion de Zonte regjonâl n. 63 dai 23 di Zenâr dal 2026;
• Parê favorevul su la propueste dal Plan presentât inte sentade dai 23 di Fevrâr dal 2026 de Comission regjonâl consultive pe minorance linguistiche furlane, cun risierve di spedizion di propuestis di modificazion o integrazion intun secont moment;
• Ai 27 di Fevrâr dal 2026, trasmission de bande dal Assessôr regjonâl aes autonomiis locâls, funzion publiche, sigurece e imigrazion ae ARLeF des propuestis rivadis dai membris de Comission consultive pe minorance linguistiche furlane;
• Parê favorevul su la propueste dal Plan presentât inte sentade dai 3 di Març de V Comission dal Consei regjonâl;
• Aprovazion dal Comitât tecnic sientific de ARLeF inte sentade dai 11 di Març dal 2026 di modificazions e integrazions al Plan fat bon, in vie preliminâr, cun deliberazion de Zonte regjonâl n. 63 dai 23 di Zenâr dal 2026;
• Aprovazion cun deliberazion dal Consei di Aministrazion de ARLeF n. 15 dai 12 di Març dal 2026, di modificazions e integrazions al Plan fat bon, in vie preliminâr, cun deliberazion de Zonte regjonâl n. 63 dai 23 di Zenâr dal 2026;
• Fat bon, in vie definitive, cu la deliberazion de Zonte regjonâl n. 481 dai 10 di Avrîl dal 2026;
• Fat bon cul Decret dal President de Regjon dai 20 di Avrîl dal 2026, n.045/Pres. publicât sul Boletin Uficiâl de Regjon n.17 dai 29 di Avrîl dal 2026.

---

Il Plan Gjenerâl di Politiche Linguistiche 2026-2030 si pues consultâ achì.

---