Cartelonistiche stradâl: consulence su la toponomastiche in lenghe furlane

Il servizi al è indreçât ai Ents locâi, a FVG Strade, aes Direzions centrâls e ai Servizis de Regjon autonome Friûl-Vignesie Julie e in gjenerâl a ducj i sogjets publics o privâts che a vedin dibisugne di meti fûr la cartelonistiche stradâl in lenghe furlane.

La consulence de ARLeF e permetarà di garantî il rispiet plen dai toponims uficiâi, fissâts daûr de L.R. 29/2007, de grafie uficiâl de lenghe furlane e des normis dal Codiç de strade.

Si vise che, su la fonde de L.R. 13/2000, la colocazion de segnaletiche stradâl par furlan e à di vê il parê preventîf e vincolant de ARLeF.

Lis domandis si à di mandâlis ae direzion di pueste eletroniche toponomastiche@sportelfurlan.eu rispietant
rispietant chestis indicazions.

• Segnâ nominatîf e recapits di un referent.
• Mandâ il materiâl di tradusi o di revisionâ in Word o in altri formât modificabil.
• Segnâ, se e je, la dibisugne di tradusi toponims ancje inte variante dal furlan locâl.
• Segnâ la date che dentri di cheste si domande la traduzion. Si rimarche che lis domandis a saran cjapadis in considerazion daûr dal ordin cronologjic che a son rivadis, in maniere compatibile cu lis esigjencis e cu la cjame di lavôr dal servizi.
• Dopo de impagjinazion, il materiâl al varà di jessi sometût di gnûf ae ARLeF par un control finâl prime de stampe/difusion, cuntun anticip minim di 4 dîs prime de date di riconsegne.

Par cualsisei necessitât si pues contatâ i uficis dal Sportel Regjonâl pe Lenghe Furlane, clamant il numar 0432 1743400.