fbpx

Risorsis

Impare il furlan online


Il cors pratic “DUT PAR FURLAN – cors par imparâ daurman a lei e a scrivi par furlan” che o cjatais in cheste pagjine, al permet di imparâ la lenghe furlane in maniere svelte e facile, ancje par scrivile daûr des regulis de grafie uficiâl. Al è indreçât sedi a chei che a fevelin furlan, ma no lu san scrivi, sedi a chei che lu capissin, ma no lu fevelin.

Il cors al è fat di 20 lezions, ognidune cun 3 sezions tematichis:

sezion A – ortografie e gramatiche;
sezion B – fruçons di narative o sagjistiche;
sezion C – sclesis di poesie furlane dal 1945 in ca.

Ogni lezion e je compagnade di aprofondiments audio, cussì a saran plui facilis la comprension e la leture.
Par discjamâ i audios di ogni lezion, al baste lâ cul cursôr dal mouse sul file e, cul tast diestri, selezionâ la vôs “discjame audio”.

Note: I corsiscj a podaran notâ cualchi piçule diference fra il test des lezions e lis peraulis che si puedin scoltâ intai file audio. O preìn di tignî cont dal test scrit, che al è stât revisionât e adatât aes ultimis disposizions ortografichis de lenghe furlane.

Par informazions e sclariments, scrivi a info@sportelfurlan.eu .

  • Credits

    Dut par furlan al è un progjet realizât cu la poie finanziarie de Comunitât europeane, de OLF – Osservatori Regjonâl de lenghe e de culture furlanis de Regjon Autonome Friûl-Vignesie Julie, e cul patrocini des provinciis di Gurize, Pordenon e Udin.

    Autôr: Adriano Ceschia
    Coordenadôr dal progjet: Mauro Tosoni
    Realizazion sonore: Giancarlo Velliscig
    Vôs: Tullia De Cecco e Fabiano Fantini
    Editôr: Editoriale Il Friuli
    Restyling grafic e adatament pal web: Sportel Regjonâl pe Lenghe Furlane
    Si ringracie: Rossano Cattivello


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304