fbpx

Il Friûl al  è un contignidôr unic di incuintris e scuintris tra realtât, storie, culture, lenghe, etniis diferentis tra di lôr.

Un cuadri di riferiment cussì vari al à creât, vie pai ultins decenis, teren bon par une propueste musicâl ancjetant siore e svariade dulà che vuê si puedin ancjemò cjatâ lis olmis di un passât contadin e de sô tradizion orâl, dongje de sperimentazion artistiche musicâl che fâs des sôs lidrîs culturâls un element dispès indispensabil.

La musiche furlane contemporanie e je influençade di modei musicâi che si son afermâts vie pai ultins cuarante agns: de ‘cjançon melodiche ae taliane’ ae cjançon di autôr, dal cussì clamât revival folk ai ‘cjançonîrs’ politics.

Interessant ancje il fenomen resint de Gnove musiche furlane che si è svilupât scomençant dai agns Novante, dulà che si pues cjatâ cetancj gjenars: la cjançon di autôr, l’etno folk/rock, il jazz etnic e lis plui resintis tindincis rock, rap e eletronichis.
Une stagjon feconde di cjançons, di musichis e di musiciscj che a àn scrit une pagjine fondamentâl de culture furlane contemporanie fasintle vivi tal presint cun esperiencis che a àn puartât la lenghe, la storie, la culture stesse a confrontâsi cun altris lengaçs.

Suns – la anotlogjie

Tra i progjets finanziâts de Agjenzie Regjonâl pe Lenghe Furlane, e je ancje la Antologjie de gnove musiche furlane “Suns” in trê volums che, a chescj, si è zontât un cuart publicât di NotaMusic: i cuatri cd a cjapin dentri une selezion de miôr produzion musicâl locâl dai agns ’90 al 2015 ufrint une panoramiche complete des vicendis musicâls dal Friûl. Ogni volum al è compagnât di un test introdutîf, che si pues lei achì sot, che al permet al utent di aprofondî la cognossince de storie de musiche in marilenghe.

Consulte i materiâi

Ogjet Cjale
Suns vol. 1 - Antologjie de gnove musiche furlane - > '98
Suns vol. 2 - Antologjie de gnove musiche furlane '99 > '03
Suns vol. 3 - Antologjie de gnove musiche furlane '04> '10
Suns vol. 4 - Antologjie de gnove musiche furlane '11> '15
La storie de musiche furlane: interviste a Valter Colle
Scrivi e fâ musiche in lenghe furlane: interviste a Doro Gjat

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304