Il Comun di Spilimberc, in colaborazion cu la ARLeF, la Societât Filologjiche Furlane, l’Istitût Ladin Furlan “Pre Checo Placerean”, la Assemblee de Comunitât Linguistiche Furlane e la Union dai Scritôrs Furlans al promôf la edizion numar 9 dal concors leterari in lenghe furlane “Zâl par furlan”.
Il tiermin “zâl” al cjape dentri ancje formis similârs tant che il “noir” e il “thriller”. Lis oparis a àn di jessi dutis – o pe plui part – in lenghe furlane o intes sôs variantis e pe forme scrite si à di doprâ la Grafie uficiâl.
Il concors al previôt trê sezions:
– sezions contis
– sezion video
– sezion speciâl par contis e par video pes scuelis secondariis di 1n e di 2nt grât.
Ogni autôr al podarà partecipâ dome a une sezion dal bant e dome cuntun elaborât che al sedi inedit, di presentâ dentri dai 30 di Avrîl dal 2022 al Ufici Culture dal Comun di Spilimberc.
Il bant complet par furlan, voltât dal Comun, al è disponibil achì.
