fbpx

Tierce Conference regjonâl di verifiche e di propueste pe lenghe furlane

Il Consei regjonâl dal Friûl – Vignesie Julie e la ARLeF, in atuazion de Leç regjonâl 29/2007 (Normis pe tutele, valorizazion e promozion de lenghe furlane), a organizin

la tierce Conference di verifiche e di propueste pe lenghe furlane, che si davuelzarà vinars ai 5 di Novembar dal 2021, a Udin, tal Auditorium de Regjon “A. Comelli” (vie Sabbadini, 31), des 14.30 aes 19.30.

E je la leç stesse a domandâ, tal art. 30, che il President dal Consei Regjonâl al clami dongje une Conference par verificâ la atuazion de leç.

La Conference e à il compit di valutâ lis ativitâts di tutele e di promozion fatis intai ultins 5 agns e di proponi gnovis azions buinis pal disvilup de lenghe furlane e pe plene aplicazion de leç, intai varis setôrs di interès.

Te suaze de Conference, al sarà presentât il gnûf Plan di Politiche Linguistiche 2021 – 2025 dutun cu lis strategjiis futuris pal disvilup de lenghe furlane, cun particolâr riferiment ai setôrs de aministrazion publiche, de scuele, des gnovis tecnologjiis, dai mass media e de promozion sociâl.

Si podarà stâ daûr aes voris de Conference dal 2021 ancje in streaming:
su la pagjine Facebook de ARLeF
su la pagjine Facebok dal Consei Regjonâl
sul canâl Youtube de ARLeF

CLICHE CHI PAR DUCJ I DETAIS E LIS MODALITÂTS DI ISCRIZION



Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304