La ARLeF e comuniche lis gnovis sessions di esam pe certificazion de cognossince de lenghe furlane, cun provis pai nivei B e C1 dal Cuadri comun european di riferiment pe cognossince des lenghis (QCER).
Lis iscrizions a son viertis fin ai 9 di Novembar dal 2026.
Tal detai, l’esam pal nivel B si fasarà martars il 1n di Dicembar dal 2026, invezit chel pal nivel C1 al è fissât par martars ai 2 di Fevrâr dal 2027. Dutis dôs lis provis si fasaran te sede de Universitât dal Friûl.
Par ogni nivel, a son previodudis 4 provis: comprension de lenghe orâl, comprension de lenghe scrite, espression de lenghe scrite e espression de lenghe orâl.
Par partecipâ bisugne jemplâ il modul de domande disponibil sul sît de ARLeF, zontant il curriculum vitae e copie dal document di identitât che al sedi valit.
Par dutis dôs lis provis, bisugne vê finît disevot agns dentri de date di scjadince par presentâ la domande. A saran ametûts massime 30 candidâts par ogni prove, daûr dal ordin cronologjic che a rivin lis domandis presentadis in maniere regolâr.
La domande di iscrizion e varà di sei mandade dentri dai 9 di Novembar dal 2026, dome midiant pueste eletroniche certificade (PEC), ae direzion arlef@certgov.fvg.it.
Chi sot a son disponibii i links che a rimandin ai avîs publics e ae sezion dedicade ae Certificazion sul sît de ARLeF.
Par altris informazions, si pues contatâ la ARLeF al numar 0432 555812 o scrivi a: arlef@regione.fvg.it.
Consulte i materiâi
| Ogjet | Cjale |
| Avîs public, modulistiche e indicazions par partecipâ |
|
| Certificazion de cognossince de lenghe furlane - materiâi e provis |
|
