fbpx

3e CONFERENCE REGJONÂL DI VERIFICHE E DI PROPUESTE SU LA LENGHE FURLANE

METUDE IN VORE DE L. R. 29/2007 (NORMIS PE TUTELE, VALORIZAZION E PROMOZION DE LENGHE FURLANE)

Vinars ai 5 di Novembar des 14.30 aes 19.30
Si pues jentrâ tal auditorium des 13.45
Auditorium “A. Comelli” – Palaç de Regjon F-VJ, vie Sabbadini 31, Udin

In atuazion dal art. 30 de L.R. 29/2007 (Normis pe tutele, valorizazion e promozion de lenghe furlane), il president dal Consei regjonâl al convoche une Conference di verifiche e di propueste su la metude in vore de leç su la tutele, valorizazion e promozion de lenghe furlane.

Par chest, e je stade costituide une cabine di regjie, cun a cjâf il conseîr regjonâl Emanuele Zanon, su mandât dal Ufici di presidence, che e à stât daûr aes fasis di ideazion e di coordenament che a son coventadis pe realizazion de Conference. La cabine di regjie e je componude di: Consei Regjonâl F-VJ, ARLeF, Assessorât regjonâl aes autonomiis locâls, Assemblee di comunitât linguistiche furlane, Universitât dal Friûl, Direzion centrâl autonomiis locâls, funzion publiche, sigurece e politichis de imigrazion e il Servizi lenghis minoritariis e coregjonâi tal forest, Direzion centrâl lavôr e il Servizi istruzion, Ufici scolastic regjonâl.

La Conference e je organizade de ARLeF – Agjenzie Regjonâl pe Lenghe Furlane e de Segretarie gjenerâl dal Consei Regjonâl dal Friûl-Vignesie Julie.

Obietîfs

La Conference e à il compit di valutâ lis ativitâts di tutele e di promozion davueltis tai ultins 5 agns e di proponi azions gnovis che a sedin utilis al disvilup de lenghe furlane.
Te suaze de Conference, a saran presentâts il gnûf Plan Gjenerâl di Politiche Linguistiche 2021-2025 (che si pues discjamâ culì sot) , e lis strategjiis futuris pal disvilup de lenghe furlane, riferidis in particolâr ai setôrs:

  • Corpus de lenghe
  • Aministrazion Publiche
  • Istruzion
  • Tecnologjiis
  • Mass media
  • Promozion sociâl

Program de Conference

Lenghis di vore

Furlan – talian.  E je a disposizion la traduzion simultanie dal furlan al talian.

Cemût partecipâ

Si pues partecipâ in presince o stâ daûr ai lavôrs in direte streaming.
Si informe che, par vie de direte streaming, e je previodude la riprese video di dute la conference.
Pe partecipazion in presince, tal rispiet des normis in vore anti Covid-19, al è obligatori jemplâ la schede di iscrizion che si cjate chi sot. Si pues partecipâ sore nuie, e fin che a son puescj disponibii.

Iscrizion

Il tiermin pe iscrizion al è miercus ai 3 di Novembar dal 2021.

Direte in streaming a disposizion su:
– Facebook ARLeF – audio disponibil te version in lenghe origjinâl (furlan o talian)
– YouTube ARLeF – audio disponibil te version in lenghe origjinâl (furlan o talian)
– Sît Consei Regjonâl – direte TV (www.consiglio.regione.fvg.it) – audio disponibil inte version integrâl in lenghe taliane.

Atestât di partecipazion

Ai partecipants in presince si trasmetarà vie e-mail l’atestât di partecipazion, se domandât.

Contribûts

Ogni citadin al è invidât a intervignî in maniere ative. Si pues duncje mandâ i propris contribûts scrits – che a sedin analisis o propuestis concretis – sui temis de Conference, che si trataran tal orari dedicât ae discussion in program dopo des relazions.
I contribûts si àn di inviâ dentri dai 31 di Otubar dal 2021, dome par e-mail a conference@sportelfurlan.eu, scrivint a clâr ancje il propri Non / Cognon / direzion e-mail / numar di telefon / eventuâl ent di partignince.

Date de Iniziative: Otubar 2021

Consulte i materiâi

Ogjet Cjale
Discjame il program de Conference
Plan Gjenerâl di Politiche Linguistiche 2021-2025

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304