Su Radio Rai 3, dai 25 ai 29 di Novembar, pai 20 agns de Leç 482/99
In ocasion dai 20 agns de Leç n. 482 (Normis in materie di tutele des minorancis linguistichis storichis), aprovade ai 25 di Novembar dal 1999, indulà che la Republiche taliane e ricognòs dodis minorancis linguistichis storichis, la trasmission “Tre Soldi” di Radio Rai 3 e dediche un cicli di aprofondiment aes lenghis di minorance de nestre regjon.
Par cure di Renato Rinaldi e realizâts in colaborazion cu la ARLeF – Agjenzie Regjonâl pe Lenghe Furlane e SSO – Svet Slovenskih Organizacij (Confederazion Organizazions Slovenis), i cinc apontaments radiofonics – in onde su lis frecuencis statâls dai 25 ai 29 di Novembar, tacant aes 19.50 (e disponibii ancje in podcast) – a contin, midiant di tantis testemoneancis diretis, une regjon che e costituìs un spazi linguistic-culturâl unic, là che a convivin talian, furlan, sloven e todesc che a fasin dal nestri teritori un grant esempli di plurilinguisim e un vêr laboratori par osservâ i rapuarts tra lis variis minorancis linguistichis, lis disposizions identitariis e il sintiment dai locutôrs.
Cu lis testemoneancis diretis di: Walter Bandelj, Antonella Bukovaz, Bojan Brezigar, Paolo Cantarutti, Dora Ciccone, William Cisilino, Davide Clodig, Andrea Collavino, Priscilla De Agostini, DJ Tubet, Elena D’Orlando, Bruna Dorbolò, Franco Fabbro, Roberto Fabrizio, Angelo Floramo, Igor Giacomini, Ezio Gosgnach, Stefano Moratto, Patrizia Pavatti, Carli Pup, Beatrice Rinaldi, Valter Rinaldi, Marina Rosso, Elena Rucli, Vida Rucli, Silvana Schiavi Facchin, Aida Talliente, Leonardo Zannier, Carlo Zoratto.
