"CUATRI RUEDIS PE SIGURECE" - ARLeF

“CUATRI RUEDIS PE SIGURECE”

La Prefeture di Udin, in colaborazion cu la ARLeF e altris sogjets, e promôf il bant “Cuatri ruedis pe sigurece“: un concors di ideis, ancje par furlan, che si indrece aes classis III e IV des scuelis secondariis di secont grât de Provincie di Udin.

Il bant al nas par promovi la culture de prevenzion e de sigurece stradâl, midiant de creazion di oparis grafichis, fotografichis, musicâls o videos che a permetin di esprimi la creativitât dai students e stiçâ la riflession su lis tematichis de sigurece stradâl.

Si pues partecipâ ancje cuntun elaborât in lenghe furlane. Il concors, di fat, al à une categorie speciâl pes oparis in lenghe furlane, cuntun premi sedi pai autôrs de opare vincidore che pal Istitût dai students.

Al è timp fin ai 31 di Mai dal 2022 par partecipâ.
Chi sot, dute a documentazion dal bant.

Il concors al è promovût de Prefeture di Udin, in colaborazion cu la ARLeF, l’Ufici Scolastic dal ambit teritoriâl di Udin, la Consulte provinciâl dai Students di Udin, la sezion Polizie Stradâl di Udin, la Fondazione Friuli, il Rotary Club di Udin, l’Automobile Club di Udin e la Societât TPL FVG di Udin.

Consulte i materiâi

Ogjet Cjale
Documentazion dal bant "Cuatri ruedis pe sigurece"


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304