Nassût di une idee dal professôr Eraldo Sgubin, za president de Associazion Amîs da Mont Quarine, il Premi al vûl ricuardâ il poete e scritôr cormonês Dolfo Zorzut midiant de selezion bienâl di gnûfs autôrs.
Il concors al è dividût in trê sezions: narative, poesie e une aree dedicade ai students. I tescj, ducj inedits, a puedin jessi scrits a sielte par talian, furlan, sloven o todesc.
Fin de prime edizion, il Premi al à stiçât un interès cressint, slargjant a man a man i siei confins e lis adesions e rivant, chest an, ae partecipazion di ben 140 autôrs. Il teme di cheste e dizion al jere “Paisaçs de anime, paisaçs de memorie“.
La serade di premiazion de seste edizion dal Premi si fasarà vinars ai 4 di Otubar dal 2019, aes 18.30, te Sale civiche dal Municipi di Cormons.
L’event al è organizât dal Comun di Cormons adun cui Amîs da Mont Quarine, cul contribût de ARLeF e il patrocini de Societât Filologjiche Furlane, Il Comun di Brda e la Biblioteche Comunâl di Cormons.
In ocasion de premiazion il “Teatro Incerto” al presentarà une leture seniche.
