Prime edizion de iniziative che e intint promovi la lenghe furlane intal setôr de formazion de dramaturgjie.
La Associazion Culturâl “Luigi Candoni”, cu la poie de ARLeF – Agjenzie Regjonâl pe Lenghe Furlane, in colaborazion cun MateâriuM – Laboratori di gnovis dramaturgjiis e cu la Fondazion Teatro Nuovo “Giovanni da Udine”, e organize, dentri de manifestazion “Premi Candoni”, la prime edizion dal cors – concors “Premi Candoni – Oparis teatrâls in lenghe furlane”.
Il cors/concors “Premi Candoni – Oparis teatrâls in lenghe furlane” al nas dentri de manifestazion “Premi Candoni” par puartâ indenant la ativitât di promozion de dramaturgjie contemporanie fate di Luigi Cadoni dai agns ’50 ai agns ’70 dal Nûfcent e lade indenant tai agns cul “Premi Candoni”.
IL CORS/CONCORS
Ogni partecipant al jentrarà intune fase di tutorât fate di vot incuintris dulà che al disviluparà la proprie idee di test teatrâl. I incuintris si fasaran li dal “Teatro Nuovo Giovanni da Udine” in Otubar e Novembar dal 2019. I progjets di scriture a saran seguîts dai tutôrs di MateâriuM.
Ae fin dal CORS, i partecipants a varan a disposizion ancjemò une setemane par sierâ i elaborâts e par procedi cu la consegne.
Il cors/concors si sierarà cu la cerimonie di premiazion dulà che si fasarà la leture seniche dal test teatrâl Prin classificât.
La scjadince e je pai 27 di Setembar dal 2019.
Consulte i materiâi
| Ogjet | Cjale |
| Bant "Premi Candoni oparis teatrâls in lenghe furlane" |
|
