La Associazion Culturâl “Luigi Candoni”, cu la poie de ARLeF – Agjenzie Regjonâl pe Lenghe Furlane, in colaborazion cu la Fondazion Teatro Nuovo “Giovanni da Udine” e cun MateâriuM – Laboratorio di nuove drammaturgie, e organize, in ocasion de manifestazion “Premi Candoni”, la seconde edizion dal concors-atelier “Premi Candoni – Oparis teatrâls in lenghe furlane”.
Il premi al è nassût cul obietîf di puartâ indenant la ativitât di promozion de dramaturgjie contemporanie di Luigi Candoni fate dai agns ‘50 ai agns ‘70 dal Nûfcent.
Il concors al intint promovi e pandi la lenghe furlane tal setôr de formazion dramaturgjiche, promovi gnûfs tescj in lenghe furlane pe produzion di spetacui teatrâls professionâi e disvilupâ ativitâts dramaturgjichis e teatrâls suntune progjetualitât largje par realizâ il program “Il furlan lenghe dal teatri”. I materiai a saràn di inviâ dentri dai 13 di Novembar dal 2020.
In cheste seconde edizion si aprofondirà la specificitât linguistiche furlane e si esplorarà la nature sostanziâl dal test dramaturgjic midiant de testemoneance dai autôrs.
Ogni partecipant al podarà partecipâ a cuatri incuintris di studi e di aprofondiment su la grafie uficiâl de lenghe furlane e su la scriture teatrâl che si davuelzaran intal Teatri Gnûf “Giovanni da Udine” il mês di Otubar che al ven.
Lei il bant complet chi sot.
Par plui informazions, si pues lâ su la pagjine Facebook de associazion “Luigi Candoni” o scrivi une e-mail a associazionecandoni@gmail.com.
Consulte i materiâi
| Ogjet | Cjale |
| Bant "Premi Candoni" - edizion 2020 |
|
