Maraveis in sfrese

Omaç ae musiche e a la art dal Friûl, dal secul XVI a vuê

La ricjece di art e di culture di un teritori, di un popul, si pues contâle cuntun event curt, siôr, tant che un viaç inte bielece che e met insiemi formis diviersis di art. Cussì al nas il spetacul Maraveis in sfrese che, in prime assolude, al sierarà il Mittelfest, domenie ai 21 di Lui dal 2019, aes 22.00, in Place dal Domo a Cividât.  Midiant de fusion di musiche, leterature, light design, videoart e documentazion pitoriche, Maraveis in sfrese al vûl trasmeti, par moments epocâi e apicâi, la fuarce espressive di cualchidun fra i musiciscj e i artiscj furlans plui impuartants, sedi dal passât che contemporanis.

Il percors, che al partìs cu la sigle dal epic Imni dal Friûl di Valter Sivilotti, al passe fûr pe storie de musiche furlane cun composizions di Jacopo Tomadini, Alfredo Scannact (pseudonim di Francesco D’Altan) riviodût di Daniele Zanettovich, Adriano Galliussi, Albino Perosa. Si passe dopo ae contemporaneitât cul stes Zanettovich che al gjenere une composizion di un teme aquileiês, Alessio Venier, suntune poesie di Angelo Pittana (Agnul di Spere), e Federico Gon che al ricree i temis gjavâts dal Libro de’ balli (1578) dal musicist dal tart Cinccent Giorgio Mainerio. Si va indevant cuntune prime assolude di Renato Miani – Stelis cidinis dal poete Umberto Valentinis – par sierâ chest viaç di art cu lis composizions di Cecilia Seghizzi, Luna (par corâl, su lirichis di Biagio Marin), in coincidence dai 50 agns che l’om al è rivât su la Lune; e po si scoltaran lis oparis di Gianfranco Plenizio (autôr de colone sonore di “E la nave va” di Fellini e diretôr di orchestre par Billy Wilder e Brian De Palma) e di Antonín Dvořák (cuntun toc des Danzis slavis, in onôr dal Friûl, puarte di orient).

I tocs a son leâts fra di lôr di framents curts in lenghe furlane (cun sottitui) e a son insiorâts de proiezion animade di imagjins des oparis di grancj artiscj che a van dal Pordenone a Giovanni da Udine, di Cameo ai Tiepolo, di Colavini a Napoleone Pellis, dai Basaldella ai Ciussi, Zigaina, Bront, Cragnolini, Celiberti (la plui part gjavadis fûr de colezion preziose de Fondazione Friuli). Dilunc dal event, un spetacul di lûs al da une dimension oniriche e sospindude ae serade cul contribût, sul plan naratîf, dai tescj meditâts di Carlo Tolazzi.


MUSICHIS
Valter Sivilotti, Jacopo Tomadini, Alfredo Scannact, Andriano Galliussi, Albino Perosa, Daniele Zanettovich, Federico Gon, Renato Miani, Alessio Venier, Cecilia Seghizzi, Gianfranco Plenizio, Antonín Dvořák

Orchestra giovanile Filarmonici Friulani direzude di Walter Themel
Nuovo AuriCorale Vivavoce direzût di Monica Cesar
Direzion artistiche: Marco Maria Tosolini
Videoimagjins di art: Federico Màzzolo
Tescj in lenghe furlane: Carlo Tolazzi
Vôs che e recite: Chiara Donada
Une aparizion: Matilde Ceron
Coordenament de produzion: Roberto Lizzio
Produzion Mittelfest 2019 e ARLeF – Agjenzie Regjonâl pe Lenghe Furlane, in colaborazion cun Fondazione Friuli


PROGRAM
Valter Sivilotti – Imni dal Friûl – lirichis di Renato Stroili Gurisatti                                   

Test  I
Jacopo Tomadini – Offertorium (motet de Missa Ducalis)
Alfredo Scannact – Sinfonia (revision critiche di D. Zanettovich) Adriano Galliussi – Movimentoper orchestra         

Test  II      
Albino Perosa – Inno a Udine millenaria – lirichis di Pietro Biasatti         
Daniele Zanettovich – Sinfonia XI super tema aquileiensis 

Test  III
Federico Gon – Moviment gjavât de suite La crudel zobia grassaRenato Miani – Stelis cidinis – lirichis di Umberto Valentinis                       
Alessio Venier – Un tei al cjante – lirichis di Angelo M. Pittana                                     

Test  IV
Cecilia Seghizzi – Luna – lirichis di Biagio Marin                     
Gianfranco Plenizio – Movimentgjavât de Murfaust Suite                
Antonín Dvořák – gjavât des Danzis slavis op. 72 n. 2

Immagjin de opare di Tonino Cragnolini
Zoiba Grassa 1511, 1989
Colezion privade Fondazione Friuli



Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304