Il strument informatic Lenghis Ladint Laboratori di didatiche (lenghis.me) al è stât potenziât e insiorât di contignûts. Al è disponibil in forme gratuite e al da ae didatiche de lenghe furlane, taliane e inglese, une vore di potenzialitâts intune prospetive plurilinguistiche. Dentri di Lenghis, finanziât de ARLeF e realizât dal Claap – Centri di Linguistiche Aplicade “Agnul Pitane”, a son a disposizion i sussidiaris digjitâi che a integnin il prin cicli de scuele primarie pe aree linguistiche e chê di matematiche e di siencis, simpri inzornât cun gnovis unitâts di aprendiment.
I insegnants des Scuelis primariis dal Friûl a puedin cumò partecipâ a un cors di formazion e di sperimentazion online dal titul “L’ûs de biblioteche didatiche digjitâl di Lenghis Ladint a scuele” par cognossi miôr dutis lis potenzialitâts di chest strument.
Il cors si fasarà su la plateforme GoToMeeting:
Miercus ai 17 di Novembar dal 2021, des 17.00 aes 18.30
Miercus ai 24 di Novembar dal 2021, des 17.00 aes 18.30
Miercus il 1n di Dicembar dal 2021, des 17.00 aes 18.30
I prins doi incuintris a mostraran, ancje midiant di simulazions, cemût doprâ i sussidiaris de Biblioteche di Lenghis par percors didatics su argoments di nature leterarie e di nature sientifiche. Il tierç incuintri, al sarà un Focus group, cul intindiment di inviâ un confront su lis esperiencis di ûs di Lenghis-Ladint.
I incuintris a saran tignûts dal prof. Adrian Cescje, cu la colaborazion di membris de Comission Didatiche Lenghis – Ladint.
La iscrizion e va fate dentri di miercus ai 10 di Novembar a chest colegament dal Ufici scolastic regjonâl (dopo vê fate la iscrizion, al partecipant i vignarà mandât il link par acedi ai incuintris).
A chei che a parteciparan ai trê apontaments dal cors, ur vignarà dât un atestât di frecuence.
Par altris informazions si pues mandâ une e-mail a scuele@sportelfurlan.eu
Discjame il program detaiât dal cors e la locandine
Consulte i materiâi
| Ogjet | Cjale |
| Program detaiât dal cors |
|
| Locandine dal cors |
|
