Al è rivât l’audiolibri plui paurôs di simpri: La gnot dai muarts!
Une storie scrite par furlan di Lussia di Uanis, ilustrade di Giulia Spanghero e regjistrade intun cd cu lis cjançons e lis musichis di Ulisse Viezzoli cu la colaborazion di Magdalena Schmied e Dominik Heizmann.
Sabide ai 25 di Zenâr, aes 18.00, vie pe fieste di Sante Agnese a Vuanis di Dael, la contestoriis Lussia di Uanis e presentarà in anteprime il gnûf lavôr publicât di Futura Edizioni di San Vît, cul finanziament de ARLeF – Agjenzie Regjonâl pe Lenghe Furlane.
La storie animade e musicade e contarà la aventure di Ursule, jessude di cjase inte ore improibide, cuant che i muarts a jessin des tombis e il scûr al è plui penç e paurôs di simpri!
Un dopomisdì plen di sgrisui par fruts… cence pôre!
L’audiolibri si podarà comprâ dopo dal spetacul, tes librariis dal Friûl o su http://editoria.futuracoopsociale.it/
Pe locandine, cliche chi sot.
Consulte i materiâi
| Ogjet | Cjale |
| La gnot dai muarts_ Locandine |
|
