"Incuintri al doman": une gnove reinterpretazion dal Imni uficiâl dal Friûl - ARLeF

“Incuintri al doman”: une gnove reinterpretazion dal Imni uficiâl dal Friûl

Par augurâ a ducj i furlans une buine Fieste de Patrie dal Friûl 2022, l’Istitût Ladin Furlan “Pre Checo Placerean” e la ARLeF a àn realizât un video speciâl: une interpretazion moderne di “Incuintri al doman“, l’Imni uficiâl dal Friûl, metude adun dal grup musicâl Moments.

I protagoniscj dal video a son trê fantacins impegnâts a cjatâ un tesaur che ju fasarà cognossi la lôr storie e discuvierzi lis lôr lidrîs.

La melodie emozionante, scrite di Valter Sivilotti, e lis peraulis di Renato Stroili, a son compagnadis des imagjins des Risultivis di Flambri e dal Mulin Braide di Talmassons, cu la regjie di Giorgio Milocco.

Imagjins, suns e peraulis si metin adun par augurâ di “cjalâ bande l’avignî” cun fuarce e sperance, ricuardant simpri i valôrs identitaris dal popul furlan.

Consulte i materiâi

Ogjet Cjale
Cjale cumò il gnûf video di "Incuintri al doman"


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304