Incuintri al doman

Une produzion Istitût Ladin Furlan “Pre Checo Placerean”, in colaborazion cu la ARLeF – Agjenzie Regjonâl pe Lenghe Furlane

Incuintri al Doman, l’imni uficiâl dal Friûl, intune gnove interpretazion moderne par cure dal grup Moments, nassude di une idee di Moreno Valentinuzzi. Tant che suaze dal Imni e de conte par imagjins a son lis viodudis maraveosis dal Biotop naturâl des Risultivis di Flambri e dal Mulin Braide. La regjie e je di Giorgio Milocco.

Il test di Incuintri al doman

In alt o fradis, / o int di Aquilee, / devant da la Storie, / di front dal doman. / Sin flame ch’e vîf / pes stradis dal mont / sin non di une Patrie / sin fîs dal Friûl. // Scolte o Friûl, / o tiere di libars, / di lenghis e popui / sês cjase di pâs. / Dai secui i paris / nus clamin adun / a fâsi lidrîs di unic destin. / In alt o Friûl, / o Patrie mê sante, / di fuarce e sperance / si viest la tô int. / Un popul sigûr / ch’al cjamine te lûs / incuintri al doman, / incuintri ai siei fîs.

Credits

Regjie di: Giorgio Milocco
Musiche di: Valter Sivilotti
Peraulis di: Renato Stroili Gurisatti
Iniziative musicâl di: Moreno Valentinuzzi
Produzion musicâl: Matteo Avian
Il grup Moments al è componût di: Moreno Valentinuzzi, Stefano Minigutti, Matteo Avian, Diego Valentinuzzi
Vôs intro: Irene e Greta Avian
Regjistrât e mixât di: Matteo Avian li dal Sventracks Studio di Visc
Mastering di: Francesco Marzona
Fruts protagoniscj dal video: Samuel e Matteo Valentinuzzi, Greta Avian
Realizât di: Quasar Corporate
Sogjet e senegjature di: Arianna Picco
Diretôr de fotografie: Tommaso Balestra

Durade: 4.02 min