Plui di 60 Comuns, adun cun associazions e pro loco, a son daûr a organizâ une schirie di events culturâi su dut il teritori par celebrâ la Fieste de Patrie dal Friûl 2024. Chest al è il biel risultât dal bant par sostignî lis manifestazions dedicadis al nestri popul e ae nestre tiere, midiant dal contribût de Regjon e de ARLeF.
Cul prin apontament dai 22 di Març, al tache duncje un dai moments plui impuartants dal an, cuant che lis nestris lidrîs a tornin a cori ancjemò plui fuartis su dut il teritori, cun plui di 100 events di cualitât in program che a fevelin di storie, lenghe, culture e identitât furlane, in tantis declinazions.
Conferencis, presentazions di libris, laboratoris cui plui zovins, seradis storichis, concierts, spetacui teatrâi, moments di riflession e di condivision: o celebrìn cussì la Patrie dal Friûl, tai soi 947 agns.
Lis celebrazions uficiâls de Fieste de Patrie di chest an, si fasaran ai 7 di Avrîl, a partî des 09.30, tal Comun di Tarcint.
Chi sot, al è pussibil discjamâ il calendari di dutis lis iniziativis in program (inzornât in timp reâl cu lis gnovis datis e i detais).
Consulte i materiâi
| Ogjet | Cjale |
| Calendari dai events - Fieste de Patrie dal Friûl 2024 |
|
