Dilunc de edizion 2019 di Friuli Doc, che si è a pene sierade, il concors inmaneât de ARLeF al à vût plui di 600 partecipants: centenârs di personis a àn volût metisi ae prove cu la lenghe furlane, provant a induvinâ cualis che a son “lis vôs dai animâi“.
Al è za tacât il control de regolaritât des schedis e intal mês di Otubar e vignarà fate la estrazion a sorte tra dutis lis schedis coretis: 10 personis a varan la pussibilitât di vinci une casse bluetooth (3W)! I nominatîfs a vignaran publicâts sui canâi di comunicazion de Agjenzie tant che i social e il sît: continuait a stanus daûr!
