fbpx

Giorgio Mainerio, un misteri furlan

Il spetacul multimediâl cumò in version video

Il spetacul “Giorgio Mainerio, un misteri furlan”, produsût de ARLeF e di Mittelfest, al è disponibil in version video su chest sît e sul canâl YouTube de Agjenzie, cun sottitui par talian.

Metude in sene pe prime volte ai 13 di Setembar, la opare multimediâl e ufrìs la ocasion par tornâ a scuvierzi la storie di Giorgio Mainerio (Parma, 1535-Aquilee, 1582), musicant, predi e, forsit, necromant, che intal 1563 al fo incuisît par eresie e po dopo assolt.

Autôr de dramaturgjie e regjist dal spetacul al è Marco Maria Tosolini cun Paolo Antonio Simioni, te part dal protagonist emblematic e scûr dal ‘500 furlan.
Il spetatôr si cjate dentri di un viaç visionari, componût di paisaçs sonôrs eletronics là che a convivin musiche antighe e musiche tastieristiche eletroacustiche. Teatri, bal e contemporaneitât si corin daûr, metint in lûs il contest plurilinguistic e pluriculturâl dal nestri teritori e dant vite a une esperience teatrâl ative e emozionante, che e cjape “cuarp” sul palc dome ae fin.

Cjale il spetacul.

Par plui informazions, cliche achì.



Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304