Vite e eresiis di un furlan gjeniâl
Il spetacul al è une dediche di amôr al Friûl, che al met in evidence il particolâr contest plurilinguistic e pluriculturâl midiant de storie di Giorgio Mainerio (Parma, 1535-Aquilee, 1582). Musicant, predi e, forsit, necromant, Mainerio al è stât une figure emblematiche de complessitât pôc cognossude e visionarie dal ‘500 furlan, dulà che il cult e il popolâr si messedin intun misteri no simpri sondabil, dant elements di incjant vêr ae storie di cheste tiere.
La opare, metude in sene in prime assolude sul palc dal Teatri Ristori di Cividât, e à sierât la edizion 2020 di Mittelfest domenie ai 13 di Setembar. Ae regjie, Marco Maria Tosolini, sostignût dal dramaturc Paolo Antonio Simioni, che al interprete ancje la part dal protagonist.
Produsût di ARLeF – Agjenzie Regjonâl pe Lenghe Furlane e Mittelfest, sot de direzion artistiche di Marco Maria Tosolini, il spetacul al è une opare videoteatrâl che e met adun dôs polaritâts musicâls – une di musiche antighe e une di musiche tastieristiche eletroacustiche, insiemi cun cuatri atôrs e une figurante, intune sene insiorade di paisaçs sonôrs eletronics e videomappings. L’audio in esafonie al jude a creâ efiets sensoriâi une vore particolârs, e il public al è part ative de pièce. Fîl condutôr di dute la opare e je la vicende che e à viodût Mainerio incuisît par eresie, e po dopo assolt, intal 1563.
Mainerio al fo innomenât a nivel european pal so Primo libro de’ balli, publicât a Vignesie di Gardano, intal 1578, dulà che, fra altris bai di mari nazionâl, a vegnin fûr trê bai: La puta nera, ballo furlano, L’arboscello, ballo furlano, e la tant cognossude Schiaraçule Maraçule. “La figure di Mainerio – al spieghe l’autôr e regjist Tosolini – e puarte cun se la anomalie di un compositôr che si met in maniere pericolose sul ôr jenfri sacri e profan”. Il spetacul nus conte duncje de sô personalitât intense, doprant un lengaç artistic atuâl.
Credits
Giorgio Mainerio, un misteri furlan – Giorgio Mainerio, un mistero friulano
Ideazion e direzion artistiche di Marco Maria Tosolini
Dramaturgjie e regjie di Marco Maria Tosolini e di Paolo Antonio Simioni
Regjie video di Paolo Antonio Simioni e Carlo Della Vedova
Cun Paolo Antonio Simioni (Giorgio Mainerio), Massimiliano Sassi (Fra Felice da Montefalco), e cun Gianna Barbacetto (Puta Nera), Nauli Pauli (Benandant Orso Zanutto), Martina Buttazzoni (Agana), Paola Bacchetti (vôs de fantasime)
Cu la partecipazion straordenarie di Gabriele De Cecco (il frut sparît)
Musichis antighis di Fabio Accurso
Musichis eletroacustichis improvisadis di Angelo Comisso
Coordenament de produzion e consulence musicâl di Giulia D’Andrea
Ricercjis iconografichis, videocreazions e sound landscapes di Federico Màzzolo
Colaborazion pe produzion audiovideoeletriche di Sacha Safretti
Cure sartoriâl di Elisa Segnaboni
Consulence straordenarie di Mestri di armis di Roberto Battilana
Ripresis e montaç di Entract
Editing audio e experimental sound di Vittorio Vella
Consulence linguistiche pe lenghe furlane di William Cisilino e di Michele Calligaris
Une produzion Mittelfest 2020 e ARLeF – Agjenzie Regjonâl pe Lenghe Furlane
In colaborazion cun
Teatri Stabil Furlan
Fondazione Lirica Teatro “G. Verdi” di Triest
Fondazione Friuli
Associazione Musicologi
Dipartimento Nuovi Linguaggi dal Conservatori “G. Tartini” di Triest
Comun di Udin – Assessorât ae Culture
Complès bandistic “I Cjastinârs” di Muris di Ruvigne direzût di Elisa Frezzani
Compagnie Teatrâl di Ruvigne
Grup Storic “Città di Palmanova”
Parochie di Sante Crôs di Muris
Cul patrocini dal Comun di Ruvigne
e cul patrocini di Confartigianato-Imprese di Udin cu la poie de Regjon Autonome Friûl-Vignesie Julie midiant de CATA Artigianato FVG inte suaze dal progjet “Artigianato a Teatro”
Consulte i materiâi
| Ogjet | Cjale |
| Giorgio Mainerio_test dal spetacul |
|
