Il moment de iscrizion a scuele al è chel just par domandâ l’insegnament de lenghe furlane pai propris fîs e garantîur ducj i vantaçs di une educazion plurilengâl.
“Dîs di sì al furlan a scuele par to fi!” e je la campagne di informazion e di sensibilizazion realizade de ARLeF par supuartâ la sielte cussiente dal plurilinguisim inte etât de scuele.
Cemût aderî pal a.s. 2024/2025
Lis iscrizions a vierzin cui 18 di Zenâr dal 2024 e al è timp fin ai 10 di Fevrâr: la sielte dal furlan si fâs tal moment de iscrizion in linie sul portâl https://www.istruzione.it/iscrizionionline ma al è pussibil indreçâsi ancje ae segretarie de scuele par vê plui informazions.
Pes scuelis de infanzie, primariis e secondariis di prin grât, tal moment de iscrizion a ogni cicli scolastic i gjenitôrs a son clamâts a fâ sieltis educativis che a condizionin in maniere positive il percors di cressite dal frut.
La didatiche plurilengâl e sigure cetancj vantaçs cognitîfs. L’insegnament de lenghe furlane al facilite l’aprendiment di altris lenghis tant che l’inglês, al incrès lis capacitâts di concentrazion e di risoluzion dai problemis, al jude i fruts a imparâ a lei prime, al intarde il declin cognitîf.
Pal an scolastic 2023/2024, passe il 79% dai gjenitôrs al à sielt il furlan tes scuelis de infanzie e primariis e plui di 34.000 students in Friûl a àn usufruît di chest insegnament.
Cliche ca sot par scuvierç ducj i vantaçs di cheste sielte midiant di videos, intervistis a esperts e testemoneancis su la pagjine dedicade
Consulte i materiâi
| Ogjet | Cjale |
| Furlan a scuele, la sielte juste |
|
