Aganis, Guriuts e tantis altris creaturis magjichis dal Friûl a saran i protagoniscj, adun cun Daria e i amîs di Maman! dal secont apontament de ARLeF te suaze di Friuli Doc 2026, dedicât ai plui piçui e aes lôr fameis.
Us sarà dedicât un spazi al sarà dedicât un spazi sabide ai 12 di Setembar aes 16:30 te Sezion Moderne de Biblioteche Civiche “V. Joppi” cul laboratori creatîf Cjace al tesaur in biblioteche!.
Cheste iniziative – nassude de colaborazion tra ARLeF, Comun di Udin, Biblioteche Civiche e Telefriuli – e je pensade pes frutis e pai fruts dai 4 ai 10 agns che a laran a cirî creaturis fantastichis dal Friûl platadis… tra i libris. Cun lôr e sarà Daria Miani, la innomenade condutore di Maman!, la trasmission televisive in lenghe furlane par fruts realizade de ARLeF e in onde su Telefriuli (che propit cul mês di Otubar e tornarà a scomençâ la sô programazion setemanâl).
No mancjaran gadgets e sorpresis par ducj i frututs presints!
Al è obligatori notâsi dentri di joibe ai 10 di Setembar, scrivint a info@sportelfurlan.eu
IL SPAZI “FURLAN DOC” IN VIE MARCJÂT VIERI
Dai 10 ai 13 di Setembar, la ARLeF e sarà ancje presinte tal spazi Furlan Doc, in vie Marcjât vieri. La vetrine de lenghe furlane a Friuli Doc, coordenade dal Comun di Udin, e metarà adun ents, associazions e editôrs par ufrî al public un panorame complet su lis novitâts, lis ativitâts e sui materiâi di promozion dal furlan.
Consulte i materiâi
| Ogjet | Cjale |
| Cuale ise la vere ricete dai Cjarsons? |
|
