fbpx

Trente domandis semplicis e ancjetantis rispuestis curtis par capî i vantaçs dal plurilinguisim

Sielzint un dai 5 macro argoments di interès si pues vê acès aes video intervistis li che esperts dal setôr, ricercjadôrs, tecnics de scuele e gjenitôrs a frontin lis cuistions plui interessantis leadis aes sieltis e aes modalitâts educativis e didatichis dal bi- e plurilinguisim.

Salte introduzion

Lis video intervistis ai esperts

  • Parcè i fruts cressino miôr a contat cun plui lenghis?
  • Cuale ise la esperience direte dai gjenitôrs che a àn fat cheste sielte?
  • Cemût isal organizât l’insegnament dal furlan a scuele?
  • Îr, vuê e doman: la lenghe furlane a scuele e lis leçs di promozion e di tutele
  • In ce maniere l’insegnament de lenghe furlane puedial jessi inserît intun percors didatic plurilengâl?

Chestis a son lis domandis che a son stadis fatis ai esperts dal setôr – ricercjadôrs, tecnics de scuele e gjenitôrs – par frontâ lis cuistions plui interessantis leadis aes sieltis e aes modalitâts educativis e didatichis dal bi- e dal plurilinguisim ancje in lenghe minoritarie.

Lis rispuestis a son contignudis in 30 videoclips che a rispuindin in maniere pronte e precise aes dibisugnis informativis e di aprofondiment, ai dubis e aes curiositâts.

La peraule ai esperts

Antonella Sorace, professore ordenarie di Linguistiche dal Disvilup te Universitât di Edimburc e diretore di “Bilingualism Matter”, servizi di informazion sul bilinguisim. Patrizia Pavatti, dirigjente dal Istitût Scolastic Regjonâl, za dirigjente dal Convit “Paolo Diacono” di Cividât e dal Istitût Comprensîf di Codroip e za diretore de Direzion Centrâl Istruzion de Regjon Friûl-Vignesie Julie. Pierino Donada, coordenadôr de Comission Scuele de Societât Filologjiche Furlane, za docent e dirigjent di scuele primarie. Silvana Schiavi Fachin, za insegnante di Didatiche des Lenghis Modernis, di furlan e di educazion plurilengâl te Universitât dal Friûl. Rosalba Perini, membri dal Comitât Tecnic Sientific de ARLeF e dirigjente scolastiche. Linda Picco, mame, za ricercjadore tal Ateneu furlan su tematichis di caratar sociolinguistic leadis ae lenghe furlane.



Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304