SUNS Europe 2022

Dai 30 di Jugn ai 15 di Lui dal 2022, la gnove edizion di Suns Europe us spiete cun undis apontaments estîfs di musiche e di culture, sparniçâts in vot comuns dal Friûl.

Pluralisim linguistic e creativitât a saran come simpri i protagoniscj dal Festival des arts in lenghe minoritarie, dulà che int e tieris tant che la Sardegne, i Pâis Bascs, la Ocitanie e il Gales si misclicin cui puescj e la art dal Friûl.

Suns Europe al è inmaneât de cooperative Informazione Friulana, cul finanziament de ARLeF, de Regjon F-VJ, dal Comun di Udin e di Fondazione Friuli, cu la colaborazion di cetancj altris sogjets publics e privâts, internazionâi e di chenti.

I APONTAMENTS DI SUNS EUROPE 2022 (ducj a jentrade libare)

ai 30 di Jugn, aes 9 di sere
Loris Vescovo (Friûl) – conciert targât Suns Friûl
Place Libertât, Udin (🌧️Teatri Palamostre)

il 1n di Lui, aes 7 di sere
«È begut de libertat…» cun Alidé Sans (Ocitanie-Val di Aran) – incuintri
Visio Garden, Visionario, Udin

ai 2 di Lui, aes 9 di sere
Alidé Sans (Ocitanie-Val di Aran) – conciert
Cjase di Catine, Vilalte di Feagne

ai 3 di Lui, aes 9 di sere
Alidé Sans (Ocitanie-Val di Aran) – conciert
Cort di vie Canoniche 25, a Lavarian (🌧️Auditorium in place “S. Paolino”)

ai 7 di Lui, aes 9 di sere
Meigama (Sardegne) – conciert
Fuart di Sante Margarite, Murùs

ai 8 di Lui, aes 9 di sere
Carwyn Ellis (Gales) – conciert
Cuel di Sant Martin, Dartigne (🌧️ Teatri Lavaroni)

ai 9 di Lui, aes 9 di sere
Meigama (Sardegne) + Franco Giordani e Davide Tomasetig (Friûl)
Aziende agricule Gradnik, Cormons

ai 10 di Lui, aes 9 di sere
Carwyn Ellis (Gales) – conciert
Cort de Cjase de Musiche di Puçui (🌧️dentri)

ai 13 di Lui, aes 6 sot sere
«Bestaldean» cun Jaione Dorai e Ernesto Prat (Paîs Basc) – presentazion
Librarie Tarantola, Udin

ai 14 di Lui, aes 9 di sere
Sara Zozaya (Paîs Basc) – conciert
Cort de biblioteche, Romans dal Lusinç

ai 15 di Lui, aes 9 di sere
Sara Zozaya (Paîs Basc) + Cjançons dal Cormôr (Friûl) – conciert
Place Libertât, Udin (🌧️Teatri “San Giorgio”)

Cun di plui, chest an al torne l’event finâl dal Festival, che si fasarà ai 26 di Novembar tal Teatron di Udin.