Al è in linie il gnûf bant pe edizion 2019 di Suns Europe, il Festival des arts in lenghis minorizadis dae Europe, che si fasarà a Udin trai 29 di Novembar e il 1n di Dicembar dal 2019.
Il bant al inten dome la sezion musicâl dal festival e si indrece ai grups e ai autôrs che la lôr produzion e je intune des lenghis minorizadis ametudis. A puedin partecipâ ducj i artiscj espression di comunitâts linguistichis minoritariis de Europe.
Par partecipâ si à di compilâ il modul disponibil sul sît di Suns Europe, dentri dai 30 di Jugn dal 2019.
Suns Europe al è organizât de cooperative Informazione Friulana / Radio Onde Furlane cul finanziament de ARLeF – Agjenzie Regjonâl pe Lenghe Furlane e de Regjon Autonome Friûl – Vignesie Julie e cu la colaborazion di tancj altris sogjets publics e privâts locâi e internazionâi.
