Il radiodocumentari “Rapuart di minorance. Lis Lenghis dal Friûl – Vignesie Julie”, al larà in onde ancje su lis frecuencis di Radio Onde Furlane.
Il documentari, curât di Renato Rinaldi e realizât in colaborazion cun ARLeF – Agjenzie Regjonâl pe Lenghe Furlane e SSO – Svet Slovenskih Organizacij (Confederazione Organizzazioni Slovene), al è fat di 5 apontaments che a contin, midiant di tantis testemoneancis diretis, une regjon che e costituìs un spazi linguistic-culturâl unic, là che a convivin talian, furlan, sloven e todesc che a fasin dal nestri teritori un grant esempli di plurilinguisim e un vêr laboratori par osservâ i rapuarts tra lis variis minorancis linguistichis, lis disposizions identitariis e il sintiment dai locutôrs.
Il progjet al è stât realizât in ocasion des celebrazions pai 20 agns de leç 482/1999 (Normis in materie di tutele des minorancis linguistichis storichis) e al larà in onde sui 90 FM, cun cheste programazion:
- lunis ai 3 di Fevrâr dal 2020, aes 08.30, in repliche aes 12.45
- martars ai 4 di Fevrâr dal 2020, aes 08.30, in repliche aes 12.45
- miercus ai 5 di Fevrâr dal 2020, aes 08.30, in repliche aes 12.45
- joibe ai 06 di Fevrâr dal 2020, aes 08.30, in repliche alle 12.45
- vinars ai 07 di Fevrâr dal 2020, aes 08.30, in repliche aes 12.45.
