#Ambient

IsApp e riciclopedie

ARLeF e Isontina Ambiente insiemi pal ambient.

Tal mês di Març dal 2017, ARLeF (Agjenzie Regjonâl pe Lenghe Furlane) e Isontina Ambiente srl, la societât publiche che e gjestìs il cicli integrât dai refudums intai 25 comuns de provincie di Gurize (e in 3 de provincie di Triest), a àn sotscrit un Protocol di intese par inviâ une gnove sinergjie par promovi il plurilinguisim e, in particolâr, l’ûs de lenghe furlane intal ambit des ativitâts di Isontina Ambiente.

Cu lis azions previodudis di chest acuardi la Aziende, tant che concessionari di servizi public, si è impegnade a promovi in maniere eficace i siei servizis garantint, intal stes timp, il rispiet dai dirits linguistics e rinfuarçant la “fidelizazion” dai siei utents, puartant indevant un “model” virtuôs che si incuadre dal dut intal percors di politiche linguistiche definît de leç regjonâl 29/07 e dal Plan Gjenerâl di Politiche linguistiche aprovât de Regjon.

La ARLeF, invecit, e da la proprie disponibilitât a supuartâ, coordenâ, validâ e certificâ lis azions di promozion dal ûs de lenghe furlane; a condividi i propris canâi di comunicazion par divulgâ cun eficience i progjets condividûts; a furnî la consulence tecniche in materie di politiche linguistiche pe realizazion dai progjets e dai impegns previodûts; a prestâ il propri servizi di traduzion dai tescj e il propri supuart pe realizazion des iniziativis previodudis.

In gracie dal protocol di intese a son stâts realizâts cetancj materiâi plurilengâi distribuîts sore nuie di Isontina Ambiente ai siei utents.
Intal detai si trate di:

Calendari de racuelte diferenziade

CALENDARIS: il calendari che Isontina Ambiente di passe dîs agns e consegne a ducj i siei utents cjase par cjase, e che in maniere simpatiche e legre, al da ai utents informazions utilis su la racuelte diferenziade e lis zornadis di conferiment dai diviers materiâi, dal 2018 indevant al è stât fat ancje in lenghe furlane.





Riciclopedie

RICICLOPEDIE: un pro memoria util par vê une rispueste precise a ogni dubi relatîf aes regulis pal coret conferiment dai materiâi intai singui contignidôrs.



Mastiel dal umit

ADESÎFS: a son stâts fats gnûfs adesîfs plurilengâi par identificâ lis cjampanis stradâls pe racuelte dal veri, pai bidons condominiâi logâts intes proprietâts privadis e pai mastei distribuîts aes fameis pal conferiment dal umit.






ISApp: la gnove aplicazion creade di Isontina Ambiente: un strument –  disponibil par iOS e par Android – une vore bon par vê simpri sot man no dome la rispueste a ogni dubi su la racuelte diferenziade, ma ancje par cognossi il calendari dai conferiments – diviers di comun in comun – dulà che a son i centris e lis isulis di racuelte, par prenotâ il servizi di ritîr a domicili dal vert e dai refudums di grandis dimensions e par cjatâ ancje cetantis ricetis par creâ plats saurîts tornant a doprâ i vanzums alimentârs. Par discjamâ la APP baste clicâ achì.

Consulte i materiâi

Ogjet Cjale
Calendari de racuelte diferenziade - ed. 2018
Calendari de racuelte diferenziade - ed. 2019
Riciclopedie (Talian - Furlan - Sloven - Inglês)
Adesîf pal umit
Adesîf pal veri

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304