Furlan a scuele,
la sielte juste
Sielç l'insegnament dal furlan a scuele par to fi
Dâi la possibilitât di cressi bi- o plurilengâl
La ricjece linguistiche dal nestri teritori e ufrìs aes fameis dal Friûl la oportunitât di cressi i lôr fîs bi- o plurilengâi. In graciis des leçs statâls e regjonâls, lis possibilitâts par imparâ la lenghe furlane si son moltiplicadis.
L’insegnament dal furlan al è previodût de Leç statâl 482/99 e de Leç Regjonâl 29/07 intes scuelis de infanzie, intes primariis e intes secondariis di prin grât, cun sede intal teritori dulà che la lenghe furlane e je fevelade di simpri, par almancul 30 oris ad an. L’insegnament dal furlan al jentre intal 20% di autonomie scolastiche, al fâs part duncje dal plan de ufierte formative cence gjavâ oris di lezion a altris materiis.
La Regjon F-VJ e à istituît une liste regjonâl dai insegnants increditâts di dulà che i istitûts scolastics a puedin cjapâ i nons.
Cjale il video par scuvierzi ducj i detais sul insegnament dal furlan a scuele.
Par aprofondiments cliche chi:
Cressi cun plui lenghis
Pavee. La magjie dal Furlan
Scuele
Ti aial plasût chest video? Condividilu cul hashtag #aldipentdite
Quiz
Risposta corretta: Vero
Lu domande la maiorance dai gjenitôrs residents intai teritoris des trê ex Provinciis di Gurize, Udin e Pordenon. I dâts plui resints dal Ufici Scolastic Regjonâl a fevelin di passe il 76% dai gjenitôrs che al sielç l’insegnament dal furlan a scuele (intes scuelis de infanzie e primariis). Se o calcolìn ancje i arlêfs des scuelis primariis di secont grât, si rive a plui o mancul 38.000 students.
Risposta corretta: Falso
Se la opzion no ves di jessi previodude de scuele inte domande in linie, la domande si pues presentâ ancje in forme scrite ae segretarie.
Risposta corretta: Vero
I studis sientifics a àn dimostrât che il cerviel nol fâs distinzion fra lenghis plui o mancul utilis, plui o mancul grandis. I vantaçs che a derivin dal bilinguisim a son leâts al aprendiment di dutis lis lenghis, locâls o globâls. Si che duncje, sielzi il furlan a scuele al rapresente une oportunitât par imparâ cun plui facilitât altris lenghis e par incressi lis competencis cognitivis e metacognitivis dai fruts.
ZENÂR: E JE ORE DI SIELZI!
Chest al è il mês che si iscrivin i fruts a scuele, il moment just par domandâ l’insegnament de lenghe furlane pai propris fîs e garantîur ducj i vantaçs di une educazion plurilengâl.
“Dîs di sì al furlan a scuele par to fi!” e je la campagne di informazion e di sensibilizazion realizade de ARLeF par supuartâ la sielte cussiente dal plurilinguisim inte etât de scuele.
Di fat, pes scuelis de infanzie, primariis e secondariis di prin grât, tal moment de iscrizion a ogni cicli scolastic i gjenitôrs a son clamâts a fâ sieltis educativis che a condizionin in maniere positive il percors di cressite dal frut.
Par l’an scolastic 2023/2024, passe il 79% dai gjenitôrs al à sielt il furlan tes scuelis de infanzie e primariis
La didatiche plurilengâl e sigure cetancj vantaçs cognitîfs. L’insegnament de lenghe furlane al facilite l’aprendiment di altris lenghis tant che l’inglês, al incrès lis capacitâts di concentrazion e di risoluzion dai problemis, al jude i fruts a imparâ a lei prime, al intarde il declin cognitîf.
Cjale il video e scuvierç parcè che une vore di gjenitôrs a àn za sielzût l’insegnament dal furlan pai lôr fîs:
In Friûl, come in Europe
La lenghe furlane si le insegne a plui di 34.000 students des scuelis de infanzie, primariis e secondariis di prin grât di dut il teritori.
-
Mostre di plui
I insegnants a son passe 1.500, increditâts de Regjon F-VJ intune liste regjonâl di pueste. In tantis scuelis la lenghe furlane si insegne daûr di chê che a nivel european e je ricognossude tant che une des metodologjiis didatichis plui valevulis, il CLIL (Insegnament Integrât di Lenghe e Contignût). Il furlan, insegnât par almancul 30 oris par an, nol gjave in nissune maniere oris a altris materiis. L’insegnament al è previodût de Leç statâl n. 482/99 e de Leç regjonâl n. 29/2007, e al jentre tal 20% dal curriculum individuât in autonomie des scuelis.
Un tesaur preziôs
Il furlan al è ad implen une lenghe, ricognossude sedi dai linguiscj, sedi dal Consei de Europe, de Republiche taliane e de Regjon Autonome Friûl-V.J
-
Mostre di plui
Al à une storie milenarie e un dai patrimonis leteraris plui impuartants fra lis lenghis minoritariis europeanis. Fevelâ par furlan ai propris fîs al vûl dî, duncje, fâur un regâl preziôs che ur permetarà di tramandâ un tesaur fat di culture, savê, tradizions. Cressi i fîs par furlan al significhe trasmetiur la semence de proprie identitât, dal sens di apartignince ae comunitât furlane. Dant valôr ae storie, ae gjeografie e ae culture dal teritori dulà che a vivin, ma usantju a esplorâ il mont.
Cemût aderî pal a.s. 2024/2025
Lis iscrizions a vierzin cui 18 di Zenâr dal 2024 e al è timp fin ai 10 di Fevrâr: la sielte dal furlan si fâs tal moment de iscrizion in linie sul portâl https://www.istruzione.it/iscrizionionline ma al è pussibil indreçâsi ancje ae segretarie de scuele par vê plui informazions.
-
Mostre di plui
I gjenitôrs a segnin di volê zovâsi dal insegnament de lenghe furlane tal moment de iscrizion al prin an di ogni cicli scolastic – prin an de scuele de infanzie, prin an de scuele primarie, prin an de scuele secondarie di prin grât – e la opzion e reste valide par dut il cicli scolastic.
LA CAMPAGNE PROMOZIONÂL
CREDITS
-
Mostre di plui
Coordenament gjenerâlARLeF – Agjenzie Regjonâl pe Lenghe FurlaneWilliam CisilinoFederica Del PinoConsulence tecniche e traduzionsSportel Regjonâl pe Lenghe FurlaneAdriana CruciattiFederica AngeliConcept e ideazion Campagne, grafiche, Motion GraphicAnthesMauro CianiVirginia RuanoMotion GraphicStoryboard e senegjature: AnthesSogjet e tescj: ARLeF e Sportel Regjonâl pe Lenghe FurlaneIlustrazions e grafiche: AnthesAnimazions: Mirko MontiDurade: 1′ e 42″Lenghis: furlan, talian
Consulte i materiâi
| Ogjet | Cjale |
| Cjale il depliant informatîf su la scuele |
|
| Lei l'articul "Se tu sâs il furlan tu imparis l'inglês!" |
|
| Video infografiche "L'insegnament de lenghe furlane" |
|
| Interviste aes mestris Clara Putelli e Enza Purino |
|
| Lenghe Furlane e fruts, dineìn i prejudizis: interviste al linguist Luca Melchior |
|
| Dôs intervistis a Julia Renalds, mari americane che e insegne il furlan ai siei fiis |
|
| Interviste ae professore Antonella Sorace de Universitât di Edimburc |
|
| Interviste a Claudia Iogna Prat, ex coordenadore dal progjet "Cressi cun plui lenghis" intai ospedâi di Tisane e di Palme |
|
| Cjale la vuide Cressi cun plui Lenghis |
|
