#Fruts #TimpLibar

Fruts furlans e Friûl Young

Fruts Furlans e Friûl Young a son i prins doi centris estîfs in lenghe furlane davuelts in Friûl. A son stâts fats intal Istât dal 2015 a Remanzâs, in graciis de colaborazion tra il Sportel pe lenghe furlane dal comun e la ARLeF.

Fruts Furlans al à cjapât dentri 15 fruts de scuele primarie che, acompagnâts de insegnante e musiciste Daria Miani, a àn lavorât su lis tecnichis dal cjant, dal ritmi, de invenzion e de scriture partecipade.

Friûl Young invezit al à cjapât dentri 15 arlêfs des secondariis di prin grât, che a àn partecipât a un laboratori organizât dal musicist Leo Virgili. E je nassude cussì une orchestre di improvisazion cun struments canonics e ogjets di ûs comun o fats cun materiâl di ricicli. Moira Bearzot, cun di plui, e à vuidât i partecipants intun confront sui guscj musicâi e cinematografics, cuntun voli su lis produzions di setôr in lenghe furlane.

Cheste dople iniziative speciâl e à rapresentât une ocasion preziose di cressite pai plui piçui, stiçâts a meti insiemi art, creativitât e lenghe furlane. I arlêfs a son stâts vuidâts a capî che cheste e rapresente un patrimoni vitâl e dinamic, bon par esprimi lis vôs di plui formis de modernitât.

Cjale il video realizât dai fruts dal Centri estîf


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304