Durade dal progjet: dal 1n di Zenâr dal 2026 al 30 di Jugn dal 2028
Promotôr dal progjet (Lead Partner):
Ripartizion aministrative scuele e culture ladine
Partners dal progjet (Project Partner):
Lia Rumantscha
Eurac Research
Libera Università di Bolzano
ARLeF
Organizazions associadis:
Istitût Ladin “Micurá de Rü”
GECT “Europaregion Tirol-Südtirol-Trentin”
CLLD Terra Raetica
Regiun Engiadina Bassa/Val Müstair
Il progjet al fronte la sfide dal preservâ e valorizâ lis lenghis minoritariis ladinis (in Sudtirôl) e rumancis (intai Grisons) inte ete digjitâl, passant lis barieris linguistichis che a inderedin la eficience des aministrazions publichis intes regjons transfrontalieris. Al vâl il stes pal furlan, la tierce lenghe dal grup retoromanic, rapresentât in chest progjet di un partner speciâl fûr de aree di program. Chestis lenghis, patrimoni culturâl unic de aree di program, a riscjin la esclusion dal mont digjitâl par vie de disponibilitât limitade di risorsis tecnologjichis, creant disparitâts intal acès ai servizis publics pai citadins di chestis comunitâts linguistichis. Lis aministrazions publichis, cundut dai sfuarçs, a fasin fature a ufrî servizis digjitâi multilengâi eficients, ingriviant il divari tra i teritoris e limitant la cooperazion transfrontaliere.
L’obietîf gjenerâl dal progjet al è chel di potenziâ la eficience des aministrazions publichis creant une strategjie transfrontaliere comun pe trasformazion digjitâl, e ancje disvilupant soluzions digjitâls inovativis pes lenghis ladine e rumance, puartant in miôr l’acès ai servizis publics e promovint la inclusion digjitâl di chestis comunitâts linguistichis minoritariis. Il progjet al smire a trasformâ il senari fruçonât atuâl di risorsis linguistichis digjitâls intun ecosisteme coordenât e interoperabil, in maniere di permeti aes aministrazions di furnî servizis intes lenghis minoritariis cun plui eficience e cualitât, ridusint i coscj di traduzion manuâl e incressint la disponibilitât di informazions publichis intes lenghis locâls. Lis aministrazions publichis furlanis a aprofitaran te stesse maniere dal scambi mutuâl di know-how, jessint rapresentadis di un partner speciâl fûr de aree di program, che al parteciparà in maniere ative intal disvilup de strategjie comun pe trasformazion digjitâl.
Il progjet DIGI-RLF – Trasformazion Digjitâl Strategjiche pes aministrazions publichis intal spazi retoromanic al è cofinanziât de Union europeane inte suaze dal Program Interreg VI-A Italie-Svuizare.
Pagjine web uficiâl dal progjet:
https://scuola-ladina.provincia.bz.it/it/amministrazione/progetto-interreg-digi-rlf
