fbpx

Premi leterari bienâl “Dolfo Zorzut”

Il Comun di Cormons, in colaborazion cu la Associazion cormonese “Amîs da Mont Quarine”, cu la ARLeF e cu la Societât Filologjiche Furlane, al bandìs la setime edizion dal concors “PREMI LETERARI BIENÂL DOLFO ZORZUT” in memorie dal scritôr furlan di Cormons Dolfo Zorzut.

Il teme dai tescj al à di jessi chest: E quindi uscimmo a riveder le stelle.

Il concors bienâl al e articolât in trê sezions:
NARATIVE – Premi di 500 euros par une prose curte o une conte par talian, furlan, sloven, todesc, bisiac e graisan.
POESIE – Premi di 500 euros par une poesie par talian, furlan, sloven, todesc, bisiac e graisan.
STUDENTS – Premi di 250 euros intun bon pal acuist di libris par une conte o une poesie par talian, furlan, sloven, todesc, bisiac e graisan.

I tescj di dutis lis sezions a àn di jessi inedits, stampâts e disponibii suntun supuart informatic. Lis oparis a podaran jessi scritis par talian, furlan, sloven, todesc, bisiac e graisan.

Si podarà inviâ i lavôrs in formât digjitâl a comune.cormons@certgov.fvg.it, a man li de Biblioteche comunâl di Cormons o midiant racomandade cun avîs di riceviment, dentri di misdì dai 18 di Otubar dal 2021.

I lavôrs a saran esaminâts di une jurie cualificade, nomenade dai organizadôrs e la comunicazion ai vincidôrs e ai autôrs segnalâts, cu la date e la ore de cerimonie di premiazion, e sarà in forme scrite.

Par informazions:
Biblioteche Comunâl di Cormons – 0481/637165, biblioteca@com-cormons.regione.fvg.it
www.comune.cormons.go.it

Discjame dut il regolament chi sot

Consulte i materiâi

Ogjet Cjale
Bant premi leterari Dolfo Zorzut 2021


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304