fbpx

“Predis, la nazione negata”

Predis, la nazione negata, prequel dal film Missus, al è il secont film de trilogjie ideade di Massimo Garlatti-Costa e che e conte la storie dal Friûl e dai furlans che a àn lotât pai propris dirits di identitât.

Il film al conte la storie di trê predis furlans, Pre Bepo Marchet, Pre Checo Placerean e Pre Toni Beline, che a àn dedicât la lôr vite al Friûl, cirint di sveâ la cussience dal popul furlan par che al recuperàs la sô storie, la sô lenghe e la sô identitât. Cu lis intervistis dai testemonis che a ricuardin i protagoniscj, cun imagjins sugjestivis e cu lis ricostruzions storichis des esperiencis dai trê predis di zovins, Garlatti-Costa al mostre la memorie storiche di chestis grandis figuris furlanis, discomudis e lassadis in bande de storie uficiâl, e che a àn lassât une grande ereditât.

Cul 1 di Fevrâr dal 2020, il film al vignarà proietât in diviersis salis dal Friûl cun cheste programazion, realizade in colaborazion cun VISIONI D’INSIEME CIRCUITO CINEMA Corto Circuito FVG2019/2020:

  • Sabide il 1 di Fevrâr, aes 21.00 – Spilimberc, Cine Miotto
  • Martars ai 4 di Fevrâr, aes 21.00 – Codroip, Cine Benois De Cecco
  • Martars ai 11 di Fevrâr, aes 21.00 – S. Denêl, Cine Splendor
  • Miercus ai 19 di Fevrârs, aes 21.00 – Glemone, Cine Teatri Sociâl
  • Vinars ai 21 di Fevrâr, aes 17.30 e aes 20.00 – Çarvignan, Cine PP Pasolini
  • Lunis ai 2 di Març, aes 21.00 – Cormons, Cine Teatri Comunâl
  • Martars ai 3 di Març, aes 21.00 – S. Vît dal Tiliment, Cine Zotti
  • Joibe ai 5 di Març, aes 21.00 – Cjasarse, Cine Pasolini
  • Joibe ai 12 di Març, aes 20.30 – Tumieç, Cine David
  • Lunis ai 16 di Març, aes 20.00 – Udin, Cine Centrâl
  • Martars ai 17 di Març, aes 21.00 – Manià, Cine Manzoni.


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304