La lenghe furlane e la lenghe sarde a CONTEMPORANEA 2019
Domenie ai 13 di Otubar, aes 21, al Teatri San Giorgio – Udin
Intal ambit di CONTEMPORANEA 2019, la rassegne di musiche di ricercje calcolade tant che un unicum a nivel talian, la performance Poesie/Vôs/Sun e met a confront i sunôrs de lenghe furlane cun chei de lenghe sarde. Lis leturis poetichis, interpretadis dal atôr Massimo Somaglino e dal poete Sebastiano Pilosu, a furniran il materiâl sonôr che al vignarà messedât e elaborât in musiche sperimentâl midiant di sistemis complès di analisi e di gjestion dal sun. Al sarà pussibil scoltâ composizions di Stefano Cocco, Andrea Deidda, Sandro Mungianu, Andrea Toffolini e Vittorio Vella. Il materiâl produsût al sarà doprât par finalitâts discografichis.
L’event al è organizât in colaborazion cul festival “Spaziomusica” di Cagliari. Di là de date udinese – domenie ai 13 di Otubar, Teatri San Giorgio, aes 21.00 cun jentrade libare – al è previodût un secont apontament al Teatro Massimo di Cagliari (ai 27 di Otubar dal 2019).
La rassegne Contemporanea – rivade chest an ae edizion XXIII – e gjolt de poie de Regjon Friûl-Vignesie Julie, dal Comun di Udin e de Fondazione Friuli, e e je patrocinade di Comission Europeane, Unesco, Ministeri dai Afârs Forescj e Universitât dal Friûl. Organizade de Associazione Culturale Delta, si davuelç a Udin fin ai 20 di Otubar. Il calendari dai apontaments si pues consultâ tal sît www.taukay.it
