Dôs sinfoniis, une musicâl e une linguistiche, si dan dongje intun apontament speciâl, dulà che Mozart e la lenghe furlane si cognossaran une vore di dongje.
Domenie ai 25 di Setembar, aes 17.00, in graciis di une colaborazion tra ARLeF e la associazion Amici della Musica di Udin, “𝑴𝒐𝒛𝒂𝒓𝒕 𝒆 𝒍𝒊𝒔 𝒕𝒊𝒆𝒓𝒊𝒔 𝒇𝒖𝒓𝒍𝒂𝒏𝒊𝒔” al sarà un vêr conciert event, dulà che lis leturis par furlan dal atôr Gianni Nistri si incrosin cu lis musichis di un dai compositôrs plui innomenâts de storie, tal Teatri Palamostre di Udin, cu la Euro Symphony SFK ORCHESTRA direzude di Ernst Hoetzl.
Te buinore, aes 11.00, tal cjistiel di Colorêt di Montalban, si fasarà une presentazion dal event midiant di une conference cun intervents musicâi sul leam di Mozart cun 𝗛𝘆𝗲𝗿𝗼𝗻𝗶𝗺𝘂𝘀 𝘃𝗼𝗻 𝗖𝗼𝗹𝗹𝗼𝗿𝗲𝗱𝗼.
