“Maraveis in sfrese/Meraviglie socchiuse“, il spetacul realizât di ARLeF e di Mittelfest in ocasion de serade finâl di Mittelfest 2019, al larà in onde domenie ai 9 di Fevrâr dal 2020, aes 09.30, su RAI 3.
Si trate di un viaç inte storie musicâl dal teritori che al à tocjât un profîl artistic une vore alt e plen di sugjestions, dulà che musiche, cjant, videoart, recitazion e danze si son unîts intun ecuilibri savint di lengaç e di autôrs diviers.
Un event di viodi (o tornâ a viodi) par scuvierzi e lassâsi puartâ de musiche, de leterature e de piture dai plui grancj autôrs furlans dal secul XVI a vuê.
La trasmission si podarà viodi ancje in repliche miercus ai 12 di Fevrâr dal 2020, aes 21.20, su RAI3 bis (ch 103).
Direzion artistiche
Marco Maria Tosolini
Interpretis
Orchestra giovanile Filarmonici Friulani, corâl Nuovo Auricorale VivaVoce, balarine Matilde Ceron
Tescj
Carlo Tolazzi – interpretâts di Chiara Donada
