fbpx

Al torne MAMAN!

Maman! al è il program televisîf par fruts dut in lenghe furlane, risultât di une coproduzion de ARLeF – Agjenzie Regjonâl pe Lenghe Furlane e di Telefriuli, che al nas cul intindiment di meti in contat i fruts cul plurilinguisim.

A son tornadis a scomençâ lis gnovis pontadis di Maman!, in onde ogni vinars aes 17.40, su Telefriuli (canâl 11).
Condutoris e coautoris a son simpri Daria Miani e la atore Chiara Donada. Insiemi a intrategnin i fruts cun zûcs, curiositâts e contis bielonis, compagnadis des cjançons origjinâls scritis di Daria Miani e metudis in musiche di Flaviano Miani.

Cun lôr a tornin ogni setemane ancje il gjat Vigji e il carton animât “Tui e Tuie”, doi gjatuts cetant ninins, ma un pôc pastrocjons che i piçui spetatôrs a àn za imparât a cognossi.

Lis replichis a van in onde, simpri su Telefriuli, il miercus aes 17:40, la sabide aes 7:30 e la domenie aes 7:00 di buinore.

Cjale achì lis pontadis des stagjons passadis di Maman!

Cjante cun Daria e Chiara, cjalant i videos des cjançons sul canâl youtube de ARLeF.



Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304