Al è chest l’argoment de cunvigne di vinars ai 12 di Novembar, des 17.30, a Villa Russiz, tal comun di Caprive.
Un event inmaneât de ACLiF (Assemblee di Comunitât Linguistiche Furlane), in colaborazion cu la ARLeF e la Regjon Friûl-Vignesie Julie, viert a ducj ma che si indrece in particolâr ai sindics e ai aministradôrs publics.
La cunvigne si slargje a un confront biel a larc, cuntun voli a ce che al sucêt in altris realtâts dulà che a son lenghis minoritariis, cui intervents di esponents de aministrazion civîl de provincie di Bolzan (di lenghe todescje), de Val di Fasse (di lenghe ladine), de Val di Aoste (di lenghe francese), e ancje de comunitât slovene di Triest.
L’obietîf al è chel di fâ il pont de situazion e valutâ iniziativis futuris par incressi l’ûs de lenghe furlane ancje tai ambients uficiâi.
Al incuintri di Villa Russiz si podarà partecipâ in presince (notantsi su aclif@valvasonearzene.it) opûr stâ daûr ai lavôrs in streaming sul profîl Facebook e sul canâl YouTube de ACLiF.
