Liste regjonâl dai insegnants di furlan e gnovis indicazions pe MAD - ARLeF

Liste regjonâl dai insegnants di furlan e gnovis indicazions pe MAD

La Regjon Friûl Vignesie Julie e à fat bon l’avîs pal an 2022 pe iscrizion te liste regjonâl dai insegnants cun competencis ricognossudis pal insegnament de lenghe furlane.

I insegnants interessâts a puedin presentâ domande di iscrizion te Liste al Servizi Istruzion de Regjon, midiant pueste eletroniche ordenarie o pueste eletroniche certificade ae direzion lavoro@certregione.fvg.it

Lis iscrizions a son viertis fin ai 31.12.2022 e la Liste e je inzornade ogni trê mês cui nominatîfs dai insegnants candidâts ritignûts idonis.

Cun di plui, la Regjon e à fat bon ancje il Decret che al permet di doprâ altris formis di selezion dai docents, che a vedin presentade istance pe “Metude A Disposizion” (MAD), tal câs che la scuele – in maniere comprovade e verificade dal Dirigjent – no rivi a cuvierzi la dibisugne des oris pal insegnament di furlan cui insegnants de Liste.
Lis indicazions a son buinis pal insegnament tes scuelis de infanzie e primariis e a previodin che i aspirants docents no sedin in pension e a vedin un o plui titui che a certifichin lis competencis te lenghe furlane (viodi Avîs sot).

Par altris informazions, si pues contatâ il Servizi Istruzion de Regjon a chescj riferiments:
Marzia Petricig: marzia.petricig@regione.fvg.it – tel. 0432/555298
Chiara Del Mastro: chiara.delmastro@regione.fvg.it – tel. 0432/555317

Chi sot, si pues consultâ:
– l’Avîs complet 2022 pe iscrizion te Liste;
– la Zonte al Decret 4209/2022 cu lis indicazions operativis pe MAD;
– la pagjine dedicade dal sît de Regjon.

Consulte i materiâi

Ogjet Cjale
Avîs 2022 - Iscrizion te Liste regjonâl dai insegnants di furlan
Indicazions pe MAD
La Regjon pes scuelis


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304