La Assemblee de Comunitât Linguistiche Furlane (ACLiF), cul patrocini de Agjenzie Regjonal pe Lenghe Furlane (ARLeF) e di altris sogjets impuartants, e organize une cunvigne on line par sabide ai 13 di Març, aes 10.30 sul teme de “Ufierte radiotelevisive pes minorancis linguistichis in Italie“.
Al sarà un confront util a insuazâ la situazion dal Friûl, cjapant in considerazion lis realtâts di altris comunitâts di lenghe minoritarie, ancje in prevision de gnove convenzion cu la RAI pes trasmissions in lenghe furlane.
A intervegnin:
Ferruccio Sepe – a cjâf dal Dipartiment pe informazion e pe editorie de Presidence dal Consei dai Ministris
Stefano Luppi – diretôr Relazions istituzionâls de RAI
Antonella Eloisa Gatta – vicepresidente dal Corecom FVG
Guido Corso – diretôr de sede RAI di Triest
William Cisilino – diretôr de Agjenzie Regjonâl pe Lenghe Furlane
Martina Repinc – responsabile de struture programs in lenghe slovene de RAI di Triest
Vittorio Longati – diretôr de sede RAI di Bolzan
Stefan Pescollderungg – prin redatôr dal TGj RAI Ladinia
Luciano Caveri – assessôr regjonâl de Val di Aoeste (za responsabil de struture programs RAI di Aoste)
Francesco Angelo Siddi – president di Confndindustria Radio Televisioni
Pierpaolo Roberti – assessôr regjonâl aes Autonomiis locâls dal F-VJ
Piero Mauro Zanin – president dal Consei regjonâl dal F-VJ
A moderin la cunvigne Markus Maurmair, president de ACLiF e Ornella Comuzzo, conseire.
La direte si podarà viodi sul profîl Facebook de ACLiF @aclifit o sul canâl Youtube https://youtu.be/4BIOf5gSLWA
Dutis lis informazions su www.aclif.it
