Te suaze de rassegne “Marilenga a Verzegnas tal mês di Mai”, sabide ai 24 di Mai dal 2025, aes 18.00, li de sale consiliâr dal Municipi di Verzegnis al è in program l’event “La lenghe furlane e lis sôs varietâts. Domandis e rispuestis“.
Un incuintri plen di curiositâts che al rispuindarà a tantis domandis
su la lenghe furlane e lis sôs variantis: parcè il furlan isal une lenghe? Cemût isal nassût? Cualis sono lis sôs varietâts e cuâl isal il lôr rapuart cu la lenghe standard?
Event inmaneât dal Comun di Verzegnis in colaborazion cu la ARLeF.
A intervignaran il president de ARLeF, Eros Cisilino e il diretôr de ARLeF, William Cisilino.
