Intun mês che al è siôr di events, la ARLeF e partecipe ancje a Contea – Gusti OFF! cun ben doi apontaments.
Vinars ai 24 di Setembar, aes 16.00 li dal Teatro Verdi di Gurize, Us spietìn al incuintri Il Friûl Orientâl vie pai secui. Gurize, là che il Friûl si vierç a la Europe, cui autôrs dal volum “Il Friûl vie pai secui” e moderât dal diretôr de ARLeF, William Cisilino.
Sabide ai 25 di Setembar, aes 16.30 li de Sale Dora Bassi di Gurize, si tignarà invezit l’incuintri Gurize: une storie, tantis lenghis. Pluralisim linguistic e culturâl di une impuartante crosere de Europe, cun Michele Calligaris.
La jentrade e je gratuite fin a esauriment dai puescj disponibii.
