Aes celebrazions de Fieste de Patrie dal Friûl tal 2017 si è zontade une grande manifestazion sportive: la Stafete des Lenghis Minoritariis, promovude de ARLeF e coordenade de Associazione Maratonina Udinese, che dal 2002 e promôf events, maratonis e stafetis sul teritori furlan e dal Stât talian. La iniziative e à vût un grant sucès, e e je stade organizade ancje inte edizion 2018 de Fieste.
La Stafete des Lenghis Minoritariis e vûl marcâ in maniere simboliche la impuartance des diviersis identitâts linguistichis presintis inte “Patrie dal Friûl”, cjapant dentri atletis furlanofons, slovens e gjermanofons. Il sproc de Stafete al è “La nestre Patrie, lis nestris lenghis – Naša Domovina, naši jeziki – Unsere Heimat, unsere Sprachen – La nostra Patria, le nostre lingue – Our Homeland, our languages”.
La corse e à cjapât dentri diviersis aministrazions comunâls e lis lôr Pro Loco, che si son impegnadis inte animazion des tapis al passaç dai passe 120 atletis di dutis lis etâts, in rapresentance di 20 societâts sportivis no agonistichis.
I tedofars si son alternâts intes variis tapis puartant, tant che testemoni, il test de Bole Imperiâl, il document che intal 1077 al à fissât l’at di costituzion de Patrie dal Friûl. Cuant che l’ultin tedofar al rive intal lûc de manifestazion e al à consegnât il testemoni al Sindic dal comun che al à ospitât la Fieste (Sapade, tal 2017; Voleson Darzin, tal 2018; Gurize tal 2019), si siere la celebrazion uficiâl.
Consulte i materiâi
| Ogjet | Cjale |
| Il percors de Stafete - Edizion 2019 |
|
| Il percors de Stafete - Edizion 2018 |
|
| Il percors de Stafete - Edizion 2017 |
|
Imagjins
