La ARLeF, adun cui Comuns di Martignà, Merêt di Tombe, Pasian di Prât, Roncjis, San Zorç da la Richinvelde e Udin e à metût adun une schirie di iniziativis par memoreâ Beltram di Saint Geniès.
Si rinove, in ocasion dal aniversari de muart, la memorie di un dai protagoniscj plui innomenâts e amâts dal Patriarcjât di Aquilee: Beltram di Saint Geniès.
Par celebrâ la figure di chest om che al à segnât la storie dal Friûl, dai 4 ai 7 di Jugn dal 2026, tai Comuns di Martignà, Merêt di Tombe, Pasian di Prât, Roncjis, San Zorç da la Richinvelde e Udin, a son in program une schirie di events, organizâts cu la colaborazion de ARLeF e di altris impuartantis realtâts. Discuvierç dut il program ripuratât ca sot.
Il Patriarcje Beltram al reste une figure une vore cjare al popul furlan. Sot de sô vuide, il Patriarcjât di Aquilee al à tocjât nivei une vore alts par chei timps, sedi tant che rapresentance sociâl, midiant di riformis istituzionâls inovativis, che tant che autorevolece internazionâl, in graciis des sôs grandis capacitâts diplomatichis e militârs.
Beltram al jere un om cuntune grande indurance, energjie (cundut de etât), e laboriositât e al è simpri stât bon di dialogâ cu lis diviersis classis sociâls. Une des sôs carateristichis principâls e je stade la caritât bande di chei mancul fortunâts, une costante di dut il so mandât ancje intai moments mancul facii. Al è stât un grant om di culture e tant che promotôr des arts, al è in graciis di lui se vuê o identifichìn la acuile dorade intal cîl celest tant che nestre bandiere.
Consulte i materiâi
| Ogjet | Cjale |
| Program 2026 des iniziativis "In memorie di Beltram" |
|
