Miercus ai 20 di Mai, aes 21.00, al va in onde su Telefriuli “Il visionari che al à cambiât il Friûl – Ritrat di un inteletuâl cuintri corint a sessante agns de sô muart“.
Un speciâl TV dedicât a Josef Marchet, in ocasion dal aniversari de muart.
Marchet al è stât il plui grant inteletuâl furlan dal ‘900, une figure cuintri corint che al à cambiât il Friûl e la sô lenghe.
Insegnant, storic, leterât e predi, lu ricuardìn pal so impegn apassionât in tancj cjamps: de linguistiche ae leterature, dal gjornalisim ae art e ae storiografie.
Il speciâl in onde in prime serade al dissegne un ritrat, par cure di William Cisilino, che al intint valorizâ la ereditât culturâl che pre Marchet nus à lassât.
La iniziative e je stade metude adun in colaborazion cul festival Vicino/lontano e cun Mediafriuli.
