In sene il spetacul “Carlo e Nadia” joibe ai 2 di Setembar e in repliche i dîs dopo
Carlo e Nadia, il gnûf progjet dal Teatri Stabil Furlan, al larà in sene a Mittelfest joibe ai 2 di Setembar aes 17.00 inte Glesie di Santa Maria di Corte a Cividât.
Chest spetacul al è un prin studi in lenghe furlane, taliane, russe e francese, di un progjet plui grant, par cure dal regjist Claudio De Maglio, che al sarà rapresentât tal 2022, cul titul Michelstaedter. La grande trasgressione, su la figure dal zovin scritôr, inteletuâl e filosof di Gurize Carlo Michelstaedter (1887 – 1910).
Scrit di Antonio Devetag, la rapresentazion e je dedicade al incuintri e ae relazion tra Carlo e Nadia Baraden, russe dispatriade di vincj agns che e deventarà la sô muse artistiche, interpretâts di Radu Murarasu e di Dina Mirbakh.
Il progjet al à la poie de ARLeF, e la colaborazion di Mittelfest e de Civica Accademia d’Arte Drammatica “Nico Pepe”.
Achì sot il calendari complet des rapresentazions:
- joibe 2/09 Mittelfest – glesie di Sante Marie di Cort, Cividât aes 17.00
- vinars 3/09 Cormons – Sala Civica Comunale aes 18.30
- sabide 4/09 San Vît dal Tiliment – Auditorium Zotti aes 18.30
- domenie 5/09 Udin – Teatri San Giorgio aes 18.30
- lunis 6/09 Gurize – Palaç Lantieri aes 18.30
Par plui informazions, scrivi a info@teatristabilfurlan.it o consultâ il sît www.teatristabilfurlan.it.
